HLAZY 107:37 - Mara Bible RV (BSI)

³⁷ Lyuzy liata chizy cheipa ta kre zôhzy loh ei ta, Kôvei phapazy ama hmô tyh.

HLAZY 107:37 ပူးပေါင်းရင်းမြစ်များ

ÂTHAONA 26:12

Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ISAI 37:30

“He he na châta ngiana a châ aw: Takô cha sâh sawhlipa a ngiapâ aw ei chi ta, hâhkô chhao a sawhlipa namâ ngiapâ aw. A kô thôhna liata chi cheih aw ei chi ta, nama hria aw. Kre sadôzy tao aw ei chi ta, a theilâpazy nama nie aw.

ISAI 65:21

Ozy sapa ta tlôh aw ei ta, Kre sadôzy tao aw ei ta, A theizy ama nie aw.

ZEREMIAH 29:5

Ozy sa u la, cha liata pahrâ teh u. Sadôzy tao u la, a theizy nie teh u.

ZEREMIAH 31:5

Samâri tlâhpizy liata Kre sadôzy tao heih aw chi ta; A lohtuhpazy ta loh aw ei ta, A theizy ama nie aw.

EZEKIA 28:26

Cha liata â bohpa ta pahrâ aw ei ta, ozy sa aw ei ta, kre sadôzy ama tao aw. Âmo a mohnaotuhpa ama chheipâh râhzy ei pachia ti ei ta, âmo cha â bohpa ta ama y aw. Chatanachata Abeipa ama Khazohpa ei châ tahpa ama pahno aw.”

ZEKARIA 8:12

“Thlalôhna chi tupa a châ bâ aw. Kre zôh ta a thei papua aw ta, chhaohlei ta kôvei papuapa ta, avâ ta diati a patlasa aw. He hmo zydua he phopi laibâhpazy hnohta ama ryuto châta ei pie aw ei.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

1 KAWRINI 3:7

A palaiseihsatuhpa Khazohpa dei leipa ta cha, a lohtuhpa nata ti a baotuhpazy khâpa hmah châ veih ei.

2 KAWRINI 9:10

Chitutuhpa hnohta chi a pietuhpa nata nie awpa châta viahchhâ a pietuhpa ta nama tu awpa chi cha pie aw ei ta, chi cha papôhsa aw ta, nama siana thei hluhpi a patheisa aw.