HLAZY 106:42 - Mara Bible RV (BSI)

⁴² Ama chariahpazy ta tlybai ei ta, Ama chariahpazy biehneina ry liata sopa ama châ.

HLAZY 106:42 ပူးပေါင်းရင်းမြစ်များ

2 THÂTIHZYRONA 12:8

Chatahrasala Sisâ chakaotuhpazy ta ama y aw. Chatanachata keima chakaopa nata khizaw khinarâhzy chakaopa ânanonazie ama pahno aw,” tah ta.

NEHEMIAH 9:28

Châhrasala ama thadâh tawhta, na hmiakô liata moleina hmo tao heih ei ta, chavâta âmo cha ama chariahzy ku liata siesai chi ta, ama chariahzy ta ama chô liata bie ama hnei haw. Chatahrasala nâ lâ vaw kua ei ta, ama cha pado nahta, vârâh tawhta vaw nathlie chi ta, na zawngiahna vâta ei hluhpi na pachha heih tyh ei.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

RYUREITUHPAZY 10:12

Sidaw mo tawhta chhao cha pachha ei na ta, Amale mo nata Maoni mozy ta cha tlybai ei ta, na pado ei chi ta, ama ku tawhta cha pachha ha veih ei na ma?

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 4:3

Zabi cha thua talailih 900 hnei ta, Izarei sawzy cha kô kih tlai tlybaipa ta ama rie thata a pathei. Chavâta Izarei sawzy ta Abeipa pado ei ta.