HLAZY 106:36 - Mara Bible RV (BSI)

³⁶ Ama khazoh nothlahpazy chakao ei ta, Cha cha âmo châta khoheih lâta â lie haw.

HLAZY 106:36 ပူးပေါင်းရင်းမြစ်များ

2 ABEIZY 17:7

Cha hawhta ama yna chhâpa cha, Izarei sawzy ta Izi bei Phiraoh ku ry liata ama yna Izi râh tawhta a kaw chhi papuatuhpa Abeipa ama Khazohpa chô liata hmo parao ei ta, khazoh hropazy tlao chi ei ta,

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

PUASAINA 23:33

Na râh chhôh liata ama pahrâ awpa châ vei. Chataleipatala ei chô liata cha pamoleisa aw ei ta, ama khazohzy na chakao tlai khiahta cha, na châta khoheih a châ aw,” tah ta.

RYHPACHANEINA 29:25

“Cha tina cha chyhsazy ta, ‘Izi râh tawhta â chhi papua nona ei khata, Abeipa, ama pathlatuhpazy Khazohpa ta ama hnohta a taopa biehrai tleisai ei ta,

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.

ZAWSUA 23:13

Abeipa nama Khazohpa ta phopizy he nama hmiakô tawhta papua khao aw vei tahpa pahno muh vy. Abeipa nama Khazohpa ta râh pha ngaitapa a cha piepa tawh eina heta nama leidia khai hlâlei, âmo cha nama châta khoheih nata aphyh châ aw ei ta, nama kâ châta tuna chôchahrei châ aw ei ta, nama mokhaoh châta ahloh ama châ aw.

RYUREITUHPAZY 10:6

Izarei sawzy cha Abeipa mohmô ta moleina hmo tao heih ei ta. Bâlâzy nata Astarôzy, Aramia khazohzy, Sidaw khazohzy, Môabâ khazohzy, Amawna mo khazohzy nata Philistinâ mo khazohzy chakao ei ta. Abeipa a heihsai ei ta, ano cha chakao khao leipa ei ta.

RYUREITUHPAZY 2:17

Chatanachôta ama ryureituhpazy bie nathlie khoh leipa ei ta, khazoh hropazy liata a phei ei ta, khazoh hropazy a chhy ei ta, ama pathlatuhpazy ta Abeipa biepiepazy zyhpa ta a lâpi amâ chhih tyhpa cha thlai ta tleisai ei ta, tao khao veih ei.

RYUREITUHPAZY 2:19

Châhrasala ryureituhpa a thipa nahta, hnôh lâ kua ei ta, ama pathlatuhpazy hlâ chhao ta molei viapa ta, khazoh hropazy chakao ei ta amâ chhy ha tyh. Ama tao tyhpa nata ama chhorunazy pathleih hlei veih ei.

RYUREITUHPAZY 2:3

Chavâta tahmâ ei cha chho ei. Âmo cha nama hmiakô tawhta papua khao aw veih ei na. Nama kâzy liata ahloh hawhta cha chhô aw ei ta, ama khazohzy cha nama châta khoheih ama châ aw,” tah ta.