HLAZY 106:24 - Mara Bible RV (BSI)

²⁴ Râh khochhihpa dytha ei ta, A bietai zo khao veih ei.

HLAZY 106:24 ပူးပေါင်းရင်းမြစ်များ

ÂTHAONA 25:34

Zakaw ta Esaw cha viahchhâ nata abie pati pie ta, niepa ta doh ta, thyu ta sie ha ta. Cha hawhna chata Esaw ta sawchapaw uhtheipa a châna tovyuh cha a pahlei haw.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

MALUHREINA 13:32

Izarei sawzy hnohta râh ama kaw mohparupa kyh thâtih chhiepa za tlôkhei ei ta, zawpi hnohta, “Râh eima kaw mohparupa cha a chhôh liata a pahrâpazy a palâ khai hapa châ ta, a râh liata pahrâpa eima hmôpazy cha mo pahreihpazy ama châ.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MALUHREINA 14:2

Izarei saw zydua ta Mawsi nata Arawna chô liata paphôh ei ta, ama hnohta, “Izi râh liana kha vaw thi ha sih la a pha via awpa tlai, cha leipa chhao ta, he râhchawhpa liana heta thi sih la tlao a pha via aw!

MALUHREINA 14:31

Anodeikuacha patupa ta ama y aw nama tahpa nama sawzy he a chhi aw ei na ta, âmo heta nama dythapa râh cha ama pahrâ aw.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MATHAI 22:5

Châhrasala vaw uasa leipa ei ta, tlao sie ha ei ta, pakha a lyu lâ sie ta, ahropa a sôdaohna lâ sie ta.

RYHPACHANEINA 1:26

“Châhrasala khy khoh leipa ei chi ta, Abeipa nama Khazohpa biepiepa cha zyh khoh veih ei chi.

RYHPACHANEINA 1:32

Chatanachôta Abeipa nama Khazohpa cha ngâ veih ei chi.

RYHPACHANEINA 9:23

Abeipa ta, ‘Râh ei cha piepa ei cha kaw hnei teh u,’ tahpa ta Kâdesbânia tawhta a cha pasiesa no ei khata, Abeipa nama Khazohpa biepiepa cha a dyuh ei chi ta, ano cha ngâ leipa ei chi ta, a ao nathlie veih ei chi.

HEBRAI 12:16

Apatlana moleina a taopa y leipa ta, Esaw hawhta pathaih leipa ama y lei nawpa ta, pakhâta ta moh teh u. Esaw cha pati ei kha nie ta sawchapaw uhtheipa châna a zuahpa kha a châ.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

HEBRAI 4:6

Thokha cha apahâna liata a ngia aw ei ta, thâtihpha a dao tuapa thokhazy deikua cha, ama reingiah leina vâta a ngia thei aw veih ei.

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.