HLAZY 106:23 - Mara Bible RV (BSI)

²³ Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 106:23 ပူးပေါင်းရင်းမြစ်များ

ZAWBÂ 35:8

Na moleina cha nâ hawhpa chyhsa chô liata hria ta, Na siana chhao chyhsapa châta dei a phahnai.

HLAZY 105:26

A chakaotuhpa Mawsi tuah ta, Â tlyhpa Arawna chhao tuah ta.

HLAZY 105:6

Hy a chakaotuhpa Abarahâ pathla saih u, Hy â tlyhpa Zakaw sawzy saih u, Chazy cha a thei thlâh ha teh u.

PUASAINA 32:32

Ngiachhiepa ta ama moleinazy rie a ngiahthai mah y. Nâ ngiahthai thei leipa khiahta cha, na châbu liata na ropa tawhna khata na thy ha mah y,” tah ta.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

EZEKIA 13:5

Abeipa noh adyuhna liata Izarei pathlazy amâ dua thei nawpa ta, thokhy pyuna suzy liata vaih leipa ei chi ta, thokhy a rao hapa taopathi hra veih ei chi.

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

MALUHREINA 16:5

Kôrâ nata a sahlaozy hnohta, “Mylâ my ta Abeipa ta ahy ma ano eih a châ tahpa a pasia aw. Ahy ma a pathaih tahpa pasia aw ta, a pathaihpa ta ano a hnia thei aw ta, Abeipa ta â tlyhpa tlai chata Abeipa cha â hnia thei aw.

MATHAI 12:18

“Moh teh u, he he ei tlyhpa nâ chakaotuhpa châ ta, Ei kho ngaitapa nata a chô liata ei thlahpa â ly kawpa a châ. A chô liata ei Thlahpa soh aw na ta, Zenitaizy hnohta ryureina dopa a phuah aw.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:19

Khizawpa châ u la, khizaw ta ano eih hawhta kyh a cha pachâ aw ei. Châhrasala khizawpa châ leipa ei chi ta, khizaw tawhta ei tlyh papuapa nama châpa vâta, khizaw ta a châ hao ei.

RYHPACHANEINA 10:10

“Daihti hmiatuapa liatapa hawhna khata, tlâh liata noh sypalih nata zâ sypalih y na ta. Cha nona chhao chata Abeipa ta ei bie nathlie heih ta. Chavâta Abeipa ta a cha pahleipadia khoh leipa ei a châ.

RYHPACHANEINA 9:19

Abeipa cha nama chô liata thata a hiehâh ta, cha pahleipadia khai awpa taihta a khohpa vâta, Abeipa hiehâhna nata pathiiana cha chi na ta. Châhrasala kha daihti liana chhao khata Abeipa ta ei bie nathlie ta.

RYHPACHANEINA 9:25

“Cha pahleipadia awpa ei ta Abeipa ta bie a reih hapa vâta, Abeipa hmiakô liata pao na ta, noh sypalih nata zâ sypalih ei pao.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.