HLAZY 106:14 - Mara Bible RV (BSI)

¹⁴ Râhchawhpa liata ama aoh thata zoh ta, Râh raohpa liata Khazohpa ama pasia.

HLAZY 106:14 ပူးပေါင်းရင်းမြစ်များ

HLAZY 78:30

Châhrasala ama aoh lôhrâ tlô hlâta, Ama pakahzy liata pati a y thlâh chy nota,

PUASAINA 17:2

Chavâta zawpi ta Mawsi cha a hryuh ei ta, “Ti do awpa miah pie teh,” tah ei ta. Mawsi ta ama hnohta, “Khazia einâ hryuh ei chi, khazia Abeipa nama pasia,” tah ta.

MALUHREINA 11:4

Ama hnohta a sie hrapa chihropazy ta sa nie khona thata vaw hnei ei ta. Izarei mo chhao cha sa vâpa ta cha ei ta, “Sa eima nie byuh rimâ cha!

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

1 KAWRINI 10:6

Hmo moleipa ama khohpa hawhta eima khoh hra lei nawpa ta, cha hmozy cha keimo châta pamosana a châ.

1 KAWRINI 10:9

Ama hry liata thokha ta Abeipa pasia ei ta, parih ta a pahleipadia hapa hawhna ei khata, keimo la Abeipa pasia khah ei suh u.

RYHPACHANEINA 9:22

“Tâberâ liata zy, Mâsâ liata zy, Kibarôhâtavâ liata zy chhao Abeipa hie pahâh ei chi ta.