HLAZY 105:25 - Mara Bible RV (BSI)

²⁵ A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

HLAZY 105:25 ပူးပေါင်းရင်းမြစ်များ

ÂTHAONA 15:13

Abeipa ta Abarâ hnohta, “Na pathlazy cha maniah râh liata khichhai ta y aw ei ta, kô 400 chhôh riethei taopa ta sei ta ama y aw tahpa a siapa ta pahno mah y.

PUASAINA 1:16

Izi bei ta ama hnohta, “Hebrai chanôzy nawh nama pay tita, nawh yna rakhô liata moh u la, sawchapaw a châ khiahta cha, thie aw ei chi ta, sawchanô a châ khiah deikua cha, pahlôh awpa a châ,” tah ta.

PUASAINA 10:1

Chatawhcha Abeipa ta Mawsi hnohta, “Phiraoh lâ a kei ngia teh. Kei tawhta ngianazy ama hry liata ei chaluah thei nawpa ta, ano palôh nata a chakaotuhpazy palôh kuh ei pachhasa haw.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 4:21

Abeipa ta Mawsi hnohta, “Izi râh lâ na kua tita, hmonoâhpa tao theina ei cha piepa zydua kha, Phiraoh hmiakô liata tao tlai mah y. Châhrasala a palôh kuh pachhasa aw na ta, phopi cha pasiesa aw vei.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

BIECHHOTUHPA 3:8

Kyhpachâ daihti y ta, a hao daihti a y; A dyuh daihti y ta, a dyh daihti a y.

HMOTAOPAZY 7:19

Cha bei cha eima chipho chô liata chhie ngaita ta, miah pathlatuhpazy cha ama hawsaihzy pahro lei awpa ta, tararuahna hmâpa ta pathysa lymâ ta.

RYHPACHANEINA 2:30

Châhrasala Hesbaw bei Sihaw ta a râh siepahlie miah pasaih vei. Nama ku liata a cha pie thei nawpa ei ta, Abeipa nama Khazohpa ta a palôh kuh pachhasa ta, tanoh ta a duahmo nama pahnopa hawhna heta, chhôrupa ta a tao haw.