HLAZY 104:29 - Mara Bible RV (BSI)

²⁹ Na hmia nyu chi ta, Thlazohpa ta y ei ta; Ama husona la chi ta, Thi ei ta dohlei lâta ama kua heih tyh.

HLAZY 104:29 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ZAWBÂ 10:9

Ngiachhiepa ta pachâ tua rai, Beihlei hawhta na tao chi ta, Dohlei lâ ma eina pakuasa heih aw chi?

ZAWBÂ 13:24

Khazia na hmia nyu chi ta, Na chariahpa ta eina pachâ chi tly?

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 146:4

A hu ta a puasai tita, Chhaohlei lâ kua heih ta; Cha noh lia tlai chata â chhuahnazy a lei pâ haw.

HLAZY 30:7

Hy Abeipa, na khokheina vâta, Ei tlâhpi cha thatlôpa ta paduasa chi ta; Na hmia na nyu ha tita deikua cha, Pachârôhpa ta ei y tyh.

HLAZY 90:3

Chyhsapa cha dohlei lâ pakuasa tyh chi ta, A hnohta, “Hy chyhsa saw saih u, Dohlei lâ kua heih teh u!” na tah tyh.

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.