HLAZY 103:7 - Mara Bible RV (BSI)

⁷ Mawsi hnohta a lâpizy pahnosa ta, Izarei sawzy hnohta a hmotaopazy a pahnosa.

HLAZY 103:7 ပူးပေါင်းရင်းမြစ်များ

NEHEMIAH 9:14

Na Pahânoh pathaihpa thâtih âmo pahnosa chi ta, châ chakaotuhpa Mawsi hmâpa ta biepiepazy, bieraopazy nata ryhpazy na pie ei.

HLAZY 106:22

Hamâ râh liata hmonoâhpazy a taotuhpa my ei ta, Tilaipi Saihpa kiah liata hmo rarôh ypazy taotuhpa kha ama my haw.

HLAZY 111:6

A hmotaopazy hmotaotheizie a phopi hnohta palâsa ta, Phopizy ryuto râh cha âmo a pie ei.

HLAZY 147:19

Zakaw hnohta a bie phuah ta, Izarei hnohta a bieraopazy nata a ryhpazy a phuah.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 78:11

A hmotaopazy my ei ta, Hmonoâhpa a pahmôsapazy chhao ama my haw.

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

HLAZY 99:7

Meih tôh liata ama hnohta bie reih ta, A ryhpa biezy zyh ei ta, Bieraopa a piepazy ama zyh.

PUASAINA 19:20

Abeipa cha Sinai Tlâh laki liata za chô ta. Abeipa ta Mawsi cha tlâh laki lâ khy awpa ta aw ta, chatanachata Mawsi cha khy ta.

PUASAINA 19:8

Zawpi zydua ta, “Abeipa reipa zydua cha eima tao lymâ aw,” tahpa ta â raohpa ta a chhy ei ta. Mawsi ta zawpi biereipazy cha Abeipa chho ta.

PUASAINA 20:21

Mawsi ta Khazohpa yna meihdo chha kaluhpa cha a kei hnia ta, zawpizy deikua cha lâhlapi liata a duah ei ta.

PUASAINA 33:13

Na mo ei dy khiahta cha, ngiachhiepa ta na lâpizy na pahmô mah y. Chatanachata cha pahno aw na ta, na modypa ta ei y lymâ thei aw. He phopi he na phopi ama châpa rie a thei mah y,” tah ta.

MALUHREINA 12:7

Nâ chakaotuhpa Mawsi deikua cha, cha hawhta châ vei. Ano cha ei o liata ngâchhihpa a châ.

RYHPACHANEINA 34:10

Cha khai tawhta cha Izarei hry liata Mawsi hawhta Abeipa ta hmiachhy ta a pahnopa hrohsopa y khao veih ei.