HLAZY 103:21 - Mara Bible RV (BSI)

²¹ Hy Abeipa pheisaihzy saih u, Abeipa cha reithai u la; A khopa tao ta ano a chakaotuhpazy saih u, Abeipa cha reithai teh u!

HLAZY 103:21 ပူးပေါင်းရင်းမြစ်များ

ÂTHAONA 32:2

Zakaw ta âmo cha a hmô nahta, “He he Khazohpa riehmo a châ hih” tah ta, chavâta cha su cha Mâhanai tahpa ta a moh a bi.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

2 THÂTIHZYRONA 18:18

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta amâ duapa ei hmô.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

HLAZY 104:4

Thlihzy cha na lyuhchâpazy ta hmâh chi ta, Meipaleih cha châ chakaotuhpazy ta na hmâh tyh.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 68:17

Khazohpa talailihzy cha thy hluhpi châ ta, Thy sâh hluhpi a châ; Abeipa cha Sinai liata a ypa hawhna khata, Pathaihna ta ama hry liata a pahrâ.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

LUKA 2:13

Sôkha ta vâlyuhchâpa hnohta vâmo hluhpi a vaw luah ei ta, Khazohpa reithai ei ta,

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

ZAWSUA 5:14

Chyhsa chata, “Châ vei, Abeipa pheisaihzy hyutuhpa ei châ. Tahmâ ei vy haw,” tah ta. Chatawhcha Zawsua cha alei liata â khu lâta pao ta, Abeipa pheisaihzy hyutuhpa cha a chhy ta, a hnohta, “Ei zibeipa ta a chakaotuhpa hnohta khâpa ma rei awpa a hnei tly?” tah ta.