HLAZY 103:19 - Mara Bible RV (BSI)

¹⁹ Abeipa ta vârâh liata a beidyuchhai padua ta, Â beinarâh cha ato chô liata ryureituhpa a châ.

HLAZY 103:19 ပူးပေါင်းရင်းမြစ်များ

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

1 THÂTIHZYRONA 29:12

Hneirôna nata palyupalihnazy cha nâ tawhta a vypa châ ta, ato chô liata ryureituhpa na châ. Hmotaotheina nata thatlôna na ku liata y ta, chyhsa to parônahsa theina nata tha­tlôna pie theina chhao na ku liata a y.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 115:3

Keimo Khazohpa cha vârâh liata y ta, A khopa maih a tao tyh.

HLAZY 2:4

Vâ beidyuchhai liata a tyuhpa cha pahneih ta, Abeipa ta a pahneisao ei.

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 9:7

Abeipa deikua cha tlyzaw ta ryureih ta, A beidyuchhai cha ryureina dopa châta a padua;

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.