HLAZY 102:17 - Mara Bible RV (BSI)

¹⁷ Ato vâiapa thlahchhâna thei ta, Ama thlahchhâna dytha vei.

HLAZY 102:17 ပူးပေါင်းရင်းမြစ်များ

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

NEHEMIAH 2:20

Âmo cha a chhy ei na ta, ama hnohta, “Avâ Khazohpa ta vânoh miah a patosa aw. Keimo ano chakaotuhpazy thyu aw pi ta, khihpi he eima paduapathi aw. Nâmo deikua cha, Zerusale khihpi liana heta tovyuh nata biehneina nata a chhu thei awpa khâpa hmah hnei aw veih ei chi,” tah na ta.

HLAZY 147:2

Abeipa ta Zerusale padua ta, Izarei phopi hiepatlapazy a pahmaohpakhy heih ei.

HLAZY 22:24

Ano cha pasa a taopa pasataona mohnao leipa ta, Pasi hra vei; A hmia nyusai leipa ta, A aw tita a nathlie tyh.

HLAZY 69:23

Ama hmô thei lei nawpa ta ama mozy zoh sala, Ama chaizy khâ a chalyu mawh sy.

HLAZY 72:12

Ano cha phahlapa ta a aw tita, A pachhatuhpa châ ta; Baotuh hnei leipa dyhchhiepa ta a aw tita, A pachhatuhpa a châ.

HLAZY 9:18

Phahlapazy cha my ngâ thlâh hapa châ lei paw ei ta, Dyhchhiepazy hnabeiseihna chhao chhâzaw ta lei aw vei.

ISAI 40:5

Chatawhcha Abeipa rônahna a vaw luah aw ta, Chyhsa zydua ta â raohpa ta ama hmô aw, Abeipa pakah ta a reih haw.”

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.