HLAZY 102:12 - Mara Bible RV (BSI)

¹² Nâ deikua cha, Hy Abeipa, Na beidyuchhai liata tlyzaw ta a tyuh chi ta; Chhâ zydua ta ama châ thei lymâ.

HLAZY 102:12 ပူးပေါင်းရင်းမြစ်များ

ZAWBÂ 14:2

Pawpi hawhta vaw pawh ta, Thlai a uah heih tyh; Nohpahlipa hawhta a zaw ta, Y khao vei.

ZAWBÂ 8:9

Keimo cha zâhnia chyhsa dei châ pi ta, Khâpa hmah pahno ma pi. Alei liata eima hro nohzy he, Nohpahlipa deita a vaw châ.

HLAZY 109:23

Zâlâ nohawh hawhta lei na ta, Khawsu hawhta chatho pathlahpa ta ei y.

HLAZY 135:13

Hy Abeipa, na moh cha tlyzaw ta y aw ta, Hy Abeipa, nâma atheithlâhna chhao a y kôzaw aw.

HLAZY 9:7

Abeipa deikua cha tlyzaw ta ryureih ta, A beidyuchhai cha ryureina dopa châta a padua;

HLAZY 90:6

My ta hroh silipa ta kaw thyu ta, Zâlâ ta uah ta a raoh ha tyh.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

ISAI 44:6

Abeipa, Izarei Beipa ta hetana heta tah ta, Izarei Chatlaituhpa Pheisaihzy Abeipa ta hetana heta a tah: “Kei he hmiatuachaipa nata hnôhchaipa cha ei châ, Keima leipa ta Khazoh hropa rai y veih ei.

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

CHAPHÔHTUNA 5:19

Châhrasala Hy Abeipa, nâ cha chhâzaw ta ryureih chi ta, Chhâ zydua taihta na beidyuchhai â duah lymâ.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.