Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.
Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.
Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.
Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?
Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.
Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.
Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.
Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.
Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.