HEBRAI 9:4 - Mara Bible RV (BSI)

⁴ Cha liata ropahâhpa raona ngôh maisâh nata ngôh ta pahupa biehrai byh y ta, biehrai byh chhôh liata mânâ yna ngôh beih, Arawna chôchahrei chhyh thaopa nata biehrai lôphiazy a y.

HEBRAI 9:4 ပူးပေါင်းရင်းမြစ်များ

1 ABEIZY 7:50

ngôh suapa ta taopa nyuzy, meiôh lao chakienazy, biebuhzy, ropahâhpa beihkohzy nata mei lanazy a tao. Achhyna o chhôh chaipa, Su Pathaih Chaipa lâ angiana nata Achhyna ochhôh pipa lâ angiana ochhi patunazy chhao ngôh ta a tao khai.

1 ABEIZY 8:21

Cha liata Abeipa ta miah pathlatuhpazy Izi râh tawhta â chhi papua nota ama hnohta bie a hraipa, Abeipa biehrai yna Byh y nawpa su ei tao haw,” tah ta.

1 ABEIZY 8:9

Lôphia miano tah leipa ta cha, Byh chhôh liata hmo hropa khâpa hmah y vei. Cha lôphiazy cha Izi râh tawhta ama kaw pua nota, Abeipa ta Izarei sawzy hnohta bie a hraina su Hôribâ Tlâh liata Mawsi ta a khôpazy a châ.

2 THÂTIHZYRONA 5:10

Lôphia miano tah leipa ta cha, Byh chhôh liata hmo hropa khâpa hmah y vei. Cha lôphiazy cha Izi tawhta ama kaw pua nota, Abeipa ta Izarei sawzy hnohta bie a hraina su Hôribâ Tlâh liata Mawsi ta a khôpazy a châ.

PUASAINA 26:33

Pohraipa cha bainazy liata baih aw chi ta, biehrai byh cha pohraipa chhôh liata soh aw chi ta, chatanachata cha pohraipa cha nama châta su pathaihpa nata su pathaih chaipa pachhaihna a châ aw.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 32:15

Mawsi cha tlâh tawhta zâ lie ta, biehrai lôphia miano a ku liata chabapa ta za chô ta. Lôphiazy cha kârano ta ropa châ ta, a hmia nata a hnôh ta ropa a châ.

PUASAINA 34:29

Mawsi cha biehrai lôphia miano a ku ta chabapa ta Sinai Tlâh tawhta za chô ta. Tlâh tawhta a za chô nota, Abeipa bie â chhopa vâta, a hmia a khaih hapa a pahno leipa ta.

PUASAINA 37:25

Ropahâhpa rao nawpa ta maisâh ki palihpa akeisia tho ta tao ta, a doh lâ dy kha seih ta, a hâ lâ dy kha a kawh. Maisâh cha ki palih hneipa ta taopa châ ta, â sâhna lâ dy no a châ. Maisâh ki palih liata a kizy taopa châ ta, maisâh nata pazaopa ta taopa a châ.

PUASAINA 39:35

Biehrai Byh nata a lâhreizy, zawngiahna dyuchhai;

PUASAINA 40:3

A chhôh liata Biehrai Byh soh aw chi ta, Byh cha pohraipa ta na chhôkhâh aw.

THEIHTHAINA 16:12

Chatawhcha mei-ia ta a biepa meilana beikoh cha, maisâh tawhta Abeipa hmiakô liata la aw ta, ropahâhpa pahâh ngaitapa, a dipa ta phypa kupazah miano chhaota, pohraipa chhôh lâ â ngiakhei aw.

MALUHREINA 17:10

Abeipa ta Mawsi hnohta, “Arawna chôchahrei kha Biehrai Byh hmiakô liata soh pathi teh. Chyhsa chakhia hmâhpa sawzy ama châ tahpa ngiana châta châ aw ta, chatanachata eina chakhiana ei cha padia aw chi ta, thi aw veih ei,” tah ta.

MALUHREINA 17:5

Ei tlyhpa chyhsa chôchahrei cha a chhyh kaw thao aw ta, chatanachata Izarei sawzy paphôhna, na chô liata ama paphôhna cha ei padia aw,” tah ta.

MALUHREINA 17:8

A mylâ ta Mawsi cha Biehrai Byh poh o lâ vawh ta, Livai chi Arawna chôchahrei cha a chhyh kaw thao ta, a pawzy pabyuh ta, a pawzy pakaipa ta, kuasâh thei hmohpazy a patheipa hmô ta.

RYHPACHANEINA 9:11

Noh sypalih nata zâ sypalih a tloh nahta, Abeipa ta bie rona lôphia miano, biehrai lôphiazy cha na pie ta.

RYHPACHANEINA 9:9

Bie rona lôphiazy, Abeipa ta nama hnohta bie a hraina biehrai lôphiazy la awpa ta tlâh lâ ei khy nota, noh sypalih nata zâ sypalih tlâh liata y na ta, viahchhâ rai nie leipa na ta, ti chhao doh va na.

BIEPHUAH 11:19

Chatawhcha avâ liata Khazohpa Achhyna o cha pahypa châ ta, Achhyna o chhôh liata a biehrai byh a vaw lâ ta. Dôhlazy vaw pathlie ta, aozy vaw pua ta, tôkalôhpazy a vaw thua ta, alo a sih ta, pareih thata a tla.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.