HEBRAI 9:3 - Mara Bible RV (BSI)

³ Pohraipa mianona khô liata chhôhpadâhpa cha Su Pathaih Chaipa tahpa a châ.

HEBRAI 9:3 ပူးပေါင်းရင်းမြစ်များ

1 ABEIZY 6:16

Achhyna o chhôh, o hnôh lâ daih liata Su Pathaih Chaipa tao ta, cha cha dy kih ta taopa a châ. Siphiah tawhta vâphuh taihta sidy thophia sai ta chhôhpa a châ.

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

2 THÂTIHZYRONA 3:14

Pohraipa cha pala nohpa, saihdôhpa nata saihlawpa nata pala rih dipa zy ta tao ta, a chô liata cherubi nothlahpazy a tao.

PUASAINA 40:21

Abeipa ta Mawsi hnohta bie a piepa hawhta, Byh cha achhyna byureih chhôh lâ a ngiakhei ta, khuna pohraipa parai ta, Biehrai Byh cha khu ta.

PUASAINA 40:3

A chhôh liata Biehrai Byh soh aw chi ta, Byh cha pohraipa ta na chhôkhâh aw.

ISAI 25:7

He tlâh liana heta, Phopi zydua hmiakhuna parao aw ta, Râh zydua khuna poh a parao aw.

EZEKIA 41:4

Achhyna opi chhôh chaipa liata chhôhpadâhpa thlie ta, a doh lâ dy kih châ ta, a hâ lâ dy kih a châ. Chatanachata ei hnohta, “He he Su Pathaih Chaipa a châ,” tahpa ta eina chho.

MALUHREINA 4:5

“Riehmo a pasie awpa a châna maihta Arawna nata a sawchapawzy a ngia aw ei ta, pohraipa pathla aw ei ta, cha chata Biehrai Byh ama khu aw.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

HEBRAI 6:19

Cha hnabeiseihna cha eima hro a-ina nata abohna châta eima balyh thuacha-ia ta hnei pi ta, pohraipa chhôhchaipa lâ a ngiatuhpa hnabeiseihna a châ.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.

HEBRAI 9:8

Cha hmo paryhzie tawhna chata Thlahpa Pathaihpa ta he he a pahnosa: Achhyna byureih tytuapa â dua chhôh cha, Su Pathaih Chaipa liata angiana lâpi pahypa châ mâh vei.