HEBRAI 9:24 - Mara Bible RV (BSI)

²⁴ Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

HEBRAI 9:24 ပူးပေါင်းရင်းမြစ်များ

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

PUASAINA 28:12

Alô mianozy cha ephaw ngiatlâh rizy liata bai aw chi ta, cha cha Izarei sawzy atheithlâhna alôzy châ aw ei ta, chatanachata Abeipa hmiakô liata atheithlâhna châta Arawna ta Izarei saw pahrawh hleino mohzy cha a ngiatlâh kârano ta a phaoh tyh aw.

PUASAINA 28:29

Chatanachata Arawna cha su pathaihpa lâ a vaw tita, pachiana chachôhna vyhphao liata ropa Izarei sawzy moh cha a pathipalôh liata y aw ta, atheithlâhna châta Abeipa hmiakô liata a tlôkhei tyh aw.

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MÂKA 14:58

“He chyhsa heta, ‘He Achhyna o, ku ta sapa he phie aw na ta, noh thôh chhôh ta Achhyna o hropa ku ta sa leipa ei padua aw,’ a tahpa eima thei,” tah ei ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

ZAWHÂNA 16:28

Paw tawhta vaw pua ta, khizaw liata a vypa ei châ. Tahmâ khizaw siesaipa ta Paw lâ ei di heih aw,” tah ta.

ZAWHÂNA 6:62

Chyhsa Sawchapawpa he a y tuana lâ a kiapa a hmôpa châ u la, kheihta nama tah aw?

HMOTAOPAZY 3:21

Khazohpa ta bohpi tawhta a hrohso pathaihpazy pakah ta a vaw reipa, ato taopathi daihti a tlô hlâlei deikua cha, vârâh liata a y chy awpa a châ.

RAWMA 8:33

Khazohpa a tlyhpazy cha ahy a leih aw? Thai pachâsatuhpa cha Khazohpa châ tlôh ta.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

KAOLAOSÂ 3:2

Chô lâ hmozy liata nama palôh pachhô u la, alei hmozy liata pachhô khuh vy.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 8:2

chyhsapa paduapa châ leipa ta, Abeipa paduapa achhyna byureih hmeiseihpa supathaihpazy liata chakaotuhpa a châ.

HEBRAI 8:5

Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

HEBRAI 9:1

Biehrai hmiatuapa chhao khata Khazohpa achhyna siekheizie nata lei liata supathaihpazy a hnei.

HEBRAI 9:23

Chavâta vârâh hmo a lyupazy hmahta atheihnazy ta pathaisa awpa a byuh khiahta cha, vârâh hmo hmeiseihpazy chhochhi cha, chazy hlâta atheihna pha via syulyupa ta pathaisapa ta a y awpa rai a châ.

HEBRAI 9:9

Cha cha tahmâhlâ daihti châta pamosana a châ. Cha hmo paryhzie liata cha, hmopiepa nata atheihna hlâ tyhpazy heta achhytuhpa chhie nata pha pahnona pahro thei vei.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

BIEPHUAH 8:3

Vâlyuhchâpa hropa a vy ta, ngôh ropahâhpa raona byh chhaota maisâh kiapâh liata a vaw duah ta. Ropahâhpa hluhpi a hnohta piepa châ ta, cha cha mopathaihpa zydua thlahchhânazy chhaota beidyuchhai hmiakô ta ngôh maisâh chô liata hlâ awpa a châ.