HEBRAI 9:21 - Mara Bible RV (BSI)

²¹ Cha hawhna chata achhyna byureih nata chakaona hmobaoh zydua chhao thisaih ta a thia khai.

HEBRAI 9:21 ပူးပေါင်းရင်းမြစ်များ

PUASAINA 24:6

Mawsi ta thisaih â khophie la ta, biebuh liata patlai ta, ahropa cha maisâh liata thia ta.

PUASAINA 29:12

Viahchao tôhpa thisaih cha la aw chi ta, maisâh kizy liata na kuparo ta hnia aw chi ta, thisaih laibâhpazy cha maisâh thaby liata na patlai khai aw.

PUASAINA 29:20

Mietaku tôhpa cha thie aw chi ta, a thisaih la aw chi ta, Arawna nakao chachâh lâ pai liata zy, a sawchapawzy nakao chachâh lâ pai liata zy, ama ku chachâh lâ kupi liata zy, ama phei chachâh lâ pheipi liata zy na hnia aw. Thisaih laibâhpazy cha maisâh kâ zydua liata na thia aw.

PUASAINA 29:36

Aryhna tao nawpa ta moleina hlâna atheihna châta viahchao tôhpa noh chareih ta na hlâ aw. Maisâh cha aryhna taopa ta pathaisa aw chi ta, a pathaih thei nawpa ta sathaw na thu aw.

PUASAINA 40:9

Chatawhcha sathawthuna châta sathaw la aw chi ta, achhyna byureih nata a chhôh liata a ypa zydua thu aw chi ta, na pathaisa aw. Chatanachata achhyna byureih hmobaohzy cha ama vaw pathaih ha aw.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

THEIHTHAINA 8:19

Mawsi ta mietaku tôhpa cha thie ta, maisâh kâ zydua liata a thisaih thia ta.

THEIHTHAINA 9:18

Chatawhcha zawpi châta aryhna hlâna atheihna viahchao tôhpa nata mietaku tôhpa thie ta. Arawna sawchapawzy ta a thisaih vaw pie ei ta, maisâh kâ zydua liata thia ta.