HEBRAI 9:19 - Mara Bible RV (BSI)

¹⁹ Mawsi ta ryhpa biepiepa to zawpi zydua hnohta a phuah nona kha, viahchaotaw thisaih, mie thisaih, ti, sahmi pala saihdôhpa nata hisaw zy la ta, ryhpa châbu nata zawpi zydua thia ta,

HEBRAI 9:19 ပူးပေါင်းရင်းမြစ်များ

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

PUASAINA 12:22

Hisaw ty la aw ei chi ta, rahô liata thisaih liata ny aw ei chi ta, rahô liata thisaih cha ochhi tlâh liata nata ochhi tôh miano liata nama hnia aw. Khihdei hlâlei cha, ahy hmah ama ochhi tawhta ama pua awpa châ vei.

ISAI 52:15

Râh hluhpizy cha, A thisaih thiapa ta pathaisa aw ta; Ano vâta beizy hmaomopa ta ama y aw. Rei beih leipa hmozy hmô aw ei ta, Thei beih leipa hmozy ama pahno thai aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 3:6

Chyhsa ta aryhna hlâna atheihna châta Abeipa lâta a hlâpa cha, mietaku zaw tawhta a châ khiahta cha, a chapawpa tlyma, a chanôpa tlyma hlâ thei ta, seina hnei leipa a hlâ awpa a châ.

MALUHREINA 19:18

Chyhsa pathaihpa ta hisaw la aw ta, ti liata ny aw ta, poh o nata hmobaoh zydua chô liata nata a chhôh liata a ypa chyhsazy chô liata a thia aw. Rupa tlyma, thiepa ri tlyma, athihpa ri tlyma, thlâ tlyma a hriapazy chô liata a thia hra aw.

MALUHREINA 19:6

Theihthaipa ta sidy tho, hisaw nata pala nohsaihpa la aw ta, viahchao zeinô raona mei liata a phôh aw.

MATHAI 27:28

A chysia pahluh ei ta, poh saihlawpa pabu ei ta.

MÂKA 15:17

Viahkao pasipa nohsaihpa paky ei ta, hloh lakho phiehpa a luh liata pakho ei ta.

MÂKA 15:20

Ama pasipasawh khai nahta, poh nohsaihpa cha hlaipa ei ta, ano viahkao pasipa pakysa heih ei ta, khaipâ awpa ta a chhi ha ei ta.

ZAWHÂNA 19:2

Pheisaihzy ta hloh lakho tao ei ta, Zisu cha pakho ei ta, poh saihlawpa pabu ei ta.

ZAWHÂNA 19:5

Zisu cha hloh lakho a khopa nata poh saihlawpa a bupa ta vaw pua ta. Pilâ ta ama hnohta, “Moh teh u, he chyhsa hih!” tah ta.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 10:4

Viahchao tôhpazy nata miezy thisaih ta moleinazy pahlei thei rimâ awpa châ vei.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:13

Chyhsa pathaih leipazy chô liata mie nata viahchao tôhpazy thisaih nata viahchao zeinô raona paohpazy thiapa hmahta sapa pathaihna taihta a pathaisa thei khiahta cha,

HEBRAI 9:18

Chavâta biehrai hmiatuapa chhao kha, thisaih leipa ta cha pa-i theipa châ vei.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.