HEBRAI 9:15 - Mara Bible RV (BSI)

¹⁵ Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

HEBRAI 9:15 ပူးပေါင်းရင်းမြစ်များ

HLAZY 37:18

Abeipa ta phapakipa nohzy cha pahno ta, Ama ryu chhâzaw ta a y thlâh ha aw.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

MATHAI 22:3

Kyhchhi pati nie awpa ta a hruapazy aw awpa ta a chakaotuhpazy tuah ta, châhrasala a vy khoh tlâ leipa ei ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 25:36

thluahruapa ta y na ta, chysia na pie ei chi ta, tlâh leipa na ta, na vaih ei chi ta; patâhna o liata y na ta, eina tly ei chi,’ a tah aw ei.

MÂKA 10:17

Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 18:18

Ryureituhpa pakha ta a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

HMOTAOPAZY 20:32

“Tahmâ he Khazohpa nata a ngiachhiena bie liata ei cha pavaosa ei. Cha chata cha palaiseihsa aw ei ta, mopathaihpazy hry liata ryuto a cha pahneisa aw ei.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

RAWMA 5:8

Châhrasala Khazohpa ta a kyhpachâna cha keimo châta vaw paluahsa ta, moleipazy eima châ nota, Krista cha eima châta thi ha ta.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

KALATIA 3:20

Lyuhchâpa a y khiahta cha, py kha vyuhpa dei ta lyuhchâna rai hria beih vei. Khazohpa deikua cha pakha a châ.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

1 TIMAWTHY 2:5

Khazohpa cha pakha deita y ta, Khazohpa nata chyhsazy likah liata lyuhchâpa pakha deita a y. Ano cha chyhsapa ta a pihpa Krista Zisu a châ.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

TITU 3:7

Chatanachata a ngiachhiena vâta thai pachâsapa ta y aw pi ta, chhâzaw hrona a hnabeiseihpa ryutotuhpazy eima châ thei aw.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 6:13

Khazohpa ta Abarahâ hnohta bietai a tao nona kha, ano hlâta rônah viapa moh reipa ta bie â taih nawpa a y leipa vâta, anosasyh ta bie a taih ta,

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

HEBRAI 7:22

Cha bietai vâna chata Zisu cha biehrai pha viapa pa-ituhpa a vaw châ haw.

HEBRAI 8:13

Biehrai thiehpa thâtih a reipa liata, a hmiatuapa cha a parohpa ta tao ta, paroh lymâ ta, a vaw machâ hapa cha, a lei patoh awpa a châ.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:16

Bieryuhipa hawhta tao awpa ta, ryuhituhpa cha a thi ha tlai tahpa pasia ha tua awpa a byuh.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 2:25

Chhâzaw hrona to awpa ta ano tlai ta bie miah â taih.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.