HEBRAI 9:12 - Mara Bible RV (BSI)

¹² Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:12 ပူးပေါင်းရင်းမြစ်များ

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

THEIHTHAINA 9:15

Cha khai tawhta zawpizy hmohlâpa cha hlâ ta. Zawpi châta moleina hlâna mie cha a chhi ta, thie ta, a hmiatuapa hawhna khata, moleina hlâna châta hlâ ta.

ZEKARIA 3:9

Zawsua hmiakô liata alô ei sopa he a phapa ta ngia teh u, mokhaoh miasari a hneipa alô a châ. A chô liata bie roh aw na ta, he râh moleinazy he noh kha chhôh ta ei pahlei khai aw.

MÂKA 3:29

Thlahpa Pathaihpa a reipachhiepa deikua cha, khati nota hmahta a ngiahthaipa châ aw vei, tlyzaw moleina liata thaileichâpa ta a y,” tah ta.

LUKA 1:68

“Abeipa Izarei Khazohpa cha, Reithaipa ta y mawh sy! A chyhsazy za tly ta, A pachha haw.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

KAOLAOSÂ 1:14

Ano liana chata chatlaina, moleinazy ngiahthaina eima hnei.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 10:19

Chavâta unawh saih u, Zisu thisaih vâta Su Pathaih Chaipa liata eimâ ngia aw tahpa a lôh pi ta,

HEBRAI 10:4

Viahchao tôhpazy nata miezy thisaih ta moleinazy pahlei thei rimâ awpa châ vei.

HEBRAI 13:12

Cha hawhna chata Zisu chhao ta ano thisaih tlai ta chyhsazy a pathaisa thei nawpa ta, khihpi thokhy khôtho liata pasa a vaw tao.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

HEBRAI 9:13

Chyhsa pathaih leipazy chô liata mie nata viahchao tôhpazy thisaih nata viahchao zeinô raona paohpazy thiapa hmahta sapa pathaihna taihta a pathaisa thei khiahta cha,

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

HEBRAI 9:19

Mawsi ta ryhpa biepiepa to zawpi zydua hnohta a phuah nona kha, viahchaotaw thisaih, mie thisaih, ti, sahmi pala saihdôhpa nata hisaw zy la ta, ryhpa châbu nata zawpi zydua thia ta,

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.