HEBRAI 9:10 - Mara Bible RV (BSI)

¹⁰ Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

HEBRAI 9:10 ပူးပေါင်းရင်းမြစ်များ

PUASAINA 29:4

Arawna nata a sawchapawzy cha ahmaohna poh o chhikao lâ a vaw chhi aw chi ta, âmo cha ti ta na pasi aw ei.

PUASAINA 40:12

Arawna nata a sawchapawzy ahmaohna poh o chhikao thaby liata a vaw chhi aw chi ta, ti ta na pasi aw ei.

EZEKIA 4:14

Chatawhcha kei ta, “Âh, Abeipa Zehôvâh y, pachâ tua, a papuapalei beih va na. Ei thyutlia daihti tawhta tahmâ taihta, ano thi ta a thipa sa tlyma, sahrâhpa ta a taipa sa tlyma, sa pathaih leipa tlyma, ei pakah liata a ngia beih vei,” tah na ta.

THEIHTHAINA 13:58

Chysia tlyma, thaitôh tlyma, thaipheih tlyma, savo ta taopa hmobaoh tlyma, na pasi khai tawhta hri ta a paisai khiahta cha, a einona ta pasi heih awpa châ ta, chatanachata a vaw pathaih aw.”

THEIHTHAINA 16:24

Su pathaihpa liata ti ta a ngai a si aw ta, a chysia â tao heih aw. Cha khai tawhta vaw pua aw ta, ano châta raopa hlâna nata zawpi châta raopa hlâna hlâ aw ta, ano nata zawpi châta chatlaina a tao aw.

THEIHTHAINA 16:4

Pala rih dipa viahkao pathaihpa a ky aw ta, a sapa khu nawpa ta pala rih dipa chaopasy â pasy aw. Pala rih dipa chaisaihna a saih aw ta, pala rih dipa lakhu â khu aw. Chazy cha chysia pathaihpa a châ. Ti liata a ngai a si tua aw ta, cha khai tawhta chysiazy cha â tobi aw.

THEIHTHAINA 22:6

zâlâ taih pathaih leipa a châ aw. Ti liata a ngai â si ha tua leipa ta cha, hmo pathaihpazy a nie awpa châ vei.

MALUHREINA 6:3

kresawhti nata paritheipazy â taih awpa a châ. Kresawhti thaopa nata hmo thaopa tizy a doh awpa châ leipa ta, kre ti a doh awpa châ hra leipa ta, kre thei hrohpa nata chawhpazy a nie awpa châ vei.

MÂKA 7:4

Chavâta sôhdaoh su tawhta o lâ amâ di tita, ama ngai amâ si ha tua leipa ta cha, pati nie veih ei. Taozietyhpa ama zyhpa hropa hluhpi y ta, nyuzy, beihzy, dawhbeihzy nata niena tlâhkhaizy pasinazie hawhpa taozietyhpa hluhpi ama chhypa a y hra.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

EPHESI 2:15

ryhpa biepiepa nata bieraopazy pahlei ta, panozy cha ano liata chyhsa thiehpa pôhkha pachâsapa ta, aryhna a tao haw.

RYHPACHANEINA 21:6

Ri yna a hnia chaipa khihpi machâ zydua ta saikao liata viahchao zeinô rao ama âpa chô liata ama ku a si aw ei ta,

RYHPACHANEINA 23:11

Zâlâ a vaw châ nahta, ti ta a ngai a si aw ta, noh tla tawhta riehmo lâ â ngia aw.

KAOLAOSÂ 2:16

Chavâta nie kyh ta tlyma, do kyh ta tlyma, chaypi kyh ta tlyma, thla thieh kyh ta tlyma, Pahânoh kyh ta tlyma, ahy hmahta cha sei khah ei sy.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 2:5

Khizaw vaw y awpa thâtih eima reipa he vâlyuhchâpazy biehneina liata soh vei.

HEBRAI 6:2

bâtina, ku pahniehna, athihpa thyuheihna nata chhâzaw pachiana thâtih pachu pathaonazy liata y khao khah ei suh u.

HEBRAI 6:5

Khazohpa bie phana padi ta, daihti vaw y awpa liata hmotaotheina padi ha tawh chhao ta,

HEBRAI 7:12

Theihthaipa raihria siezie pananopa a châ khiahta cha, ryhpa chhao panano awpa a byuh tyh.

HEBRAI 7:16

Ano cha sapa chipathla liata a pahniehpa ryhpa hawhta theihthaipa ta raopa châ leipa ta, hro chhâna hnei leipa hmotaotheina hmâpa ta theihthaipa ta raopa a châ.

HEBRAI 9:1

Biehrai hmiatuapa chhao khata Khazohpa achhyna siekheizie nata lei liata supathaihpazy a hnei.