HEBRAI 8:8 - Mara Bible RV (BSI)

⁸ Sei nawpa ama hneipazy Khazohpa ta hmô ta, hetana heta a tah: “Pachâ teh u, Nohzy a vaw tlô hai, Abeipa ta a tah. Cha nohzy liata, Izarei phopi hnohta biehrai thiehpa tao aw na ta, Zudâh phopi hnohta chhao ei tao aw.

HEBRAI 8:8 ပူးပေါင်းရင်းမြစ်များ

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 23:7

“Chavâta moh teh u, nohzy a vaw tlô hai. Cha nohzy liata cha, ‘Izarei sawzy Izi râh tawhta a kaw chhi papuatuhpa Abeipa hrona reipa ta ei reih,’ tah khao leipa aw ei ta,

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 31:27

“Pachâ teh u, Izarei râh nata Zudâh râh liata chyhsapa chi nata sahroh chi ei tu nawpa nohzy a vaw tlô hai,” Abeipa ta a tah.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

ZEREMIAH 32:40

Ama hnohta tlyzaw biehrai tao aw na ta, ama chô liata hmo pha taopa a heihsai khao aw va na. Ama palôh liata keima china soh aw na ta, nâ heihsai khao aw veih ei.

EZEKIA 37:26

Ama hnohta adyhna biehrai tao aw na ta, cha cha âmo châta chhâzaw biehrai a châ aw. Ama râh liata pahrâsa aw ei na ta, ama maluh papôh aw na ta, ama hry liata chhâzaw ta ei supathaihpa ei padua aw.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MÂKA 14:24

Zisu ta ama hnohta, “He he ei thisaih, chyhsa hluhpi châta a lohpa biehrai thiehpa a châ.

LUKA 17:22

Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

LUKA 5:38

Kresawhti thiehpa cha savo titheih thiehpa liata ama ryh tyh.

1 KAWRINI 11:25

Cha hawhna chata, zâpati ama nie khai nahta, nyu la ta, “He nyu he ei thisaih liata biehrai thiehpa cha a châ. Nama dona maihta einâ thei thlâh ha nawpa ei chi ta, he he tao tyh muh vy,” tah ta.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

RYHPACHANEINA 29:14

He biehrai nata bietai he nâmo hnoh dei ta a taopa châ leipa na ta,

HEBRAI 12:24

Biehrai thiehpa lyuhchâpa Zisu lâ a vy ei chi ta, Abela thisaih hlâta bie pha viapa a reihpa Zisu thisaih thiapa lâ namâ vy hih.

HEBRAI 7:22

Cha bietai vâna chata Zisu cha biehrai pha viapa pa-ituhpa a vaw châ haw.

HEBRAI 8:13

Biehrai thiehpa thâtih a reipa liata, a hmiatuapa cha a parohpa ta tao ta, paroh lymâ ta, a vaw machâ hapa cha, a lei patoh awpa a châ.

HEBRAI 8:6

Tahmâ deikua, Krista cha biehrai pha viapa lyuhchâpa a châpa hawhta, chakaona rai pha via syulyupa to ha ta, cha biehrai cha bietai pha viapazy chô liata taopa a châ.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.