HEBRAI 8:5 - Mara Bible RV (BSI)

⁵ Theihthaipazy cha vârâh hmo nothlahpa nata nohpahlipazy ama chakao tyh. Mawsi kha achhyna byureih a sa chy ta a hnohta, “Hmo to a taozie awpa tlâh liata ei cha pahmôpa hawhna khata na tao khai awpa a châ,” tahpa ta a taozie chhopa a châ.

HEBRAI 8:5 ပူးပေါင်းရင်းမြစ်များ

1 THÂTIHZYRONA 28:12

Abeipa o dôhpachhôh tlyhmia, tlyhmia a chadôpa chhôhpadâhpa zydua, Khazohpa o sôh sopakhynazy nata hmohlâpa pathaihpa sopakhynazy châta a pachhuapanohnazy chhao pie ta.

1 THÂTIHZYRONA 28:19

Dâvi ta, “He zydua he, Abeipa ta ano ku tlai ta a ropa na pie ta, â chhuahna nata a taozie awpa zydua eina pahnosapa a châ,” tah ta.

PUASAINA 25:40

Tlâh liata a taozie awpa ei cha pahmôpa hawhna tlai khata, na tao awpa a châ.

PUASAINA 25:9

Achhyna byureih nata a chhôh liata hmobaoh zydua cha, a nothlahpa ei cha pahmôpa hawhna heta nama tao awpa a châ.

PUASAINA 26:30

Tlâh chô liata ei cha pahmôpa hawhna tlai khata, achhyna byureih cha na sa awpa a châ.

PUASAINA 27:8

Maisâh cha thophia ta dôhpa ta a chhôh pakaopa ta tao aw chi ta, tlâh liata ei cha pahmôpa hawhna tlai khata na tao aw.

MALUHREINA 8:4

He he ngôh ta daipa meiôh tôh taozie a châ. A tôh thaby tawhta a pawzy taihta daipa ta taopa châ ta, Abeipa ta a taozie awpa Mawsi a pahmôsapa hawh tlai ta, meiôh tôh cha taopa a châ.

MATHAI 2:12

Ama mâ lâta Herawda lâ kua lei awpa ta chhopa ama châpa vâta, lâpi hropa lâta ama râh lâ a lie ha ei ta.

HMOTAOPAZY 7:44

“Miah pathlatuhpazy khata Khazohpa achhyna byureih râhchawhpa liata hnei ei ta, Khazohpa ta taozie awpa Mawsi a chho nota, a nothlahpa a pahmôpa hawh tlai ta ama tao.

KAOLAOSÂ 2:17

Chazy cha hmo vaw tlô awpazy nohpahlipa châ ta, a hmeiseihpa deikua cha Krista a châ.

HEBRAI 10:1

Ryhpa cha hmo phapa a vaw y awpazy nohpahlipa dei châ ta, a hmeiseihpa a châ leipa vâta, kô chareih ta atheihna hlâ tyhpa a châpa chhao ta, a hlâtuhpazy châta pakina tlôkhei thei beih vei.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 13:10

Keimo cha maisâh hnei pi ta, keimo maisâh liata deikua cha, achhyna byureih chakaotuhpazy nie thei veih ei.

HEBRAI 9:9

Cha cha tahmâhlâ daihti châta pamosana a châ. Cha hmo paryhzie liata cha, hmopiepa nata atheihna hlâ tyhpazy heta achhytuhpa chhie nata pha pahnona pahro thei vei.

ZAWSUA 22:28

Chavâta hetana heta eima pachâ: Chhâ vaw y awpa liata keimo hnohta tlyma, eima pathlazy hnohta tlyma, cha bie cha ama rei tita, keimo ta, ‘Nathlie teh u, miah pathlatuhpazy ta Abeipa maisâh ama taozie he raopa hlâna awpa nata atheihna awpa châ vei, keimo nata nâmo likah ta pahnokheituhpa châta a châ,’ eima tah nawpa ta, a taopa eima châ.

BIEPHUAH 15:5

Cha khai tawhta kaw moh na ta, avâ liata pahnokheituhpa achhyna byureih cha a vaw pahy ta.