HEBRAI 8:2 - Mara Bible RV (BSI)

² chyhsapa paduapa châ leipa ta, Abeipa paduapa achhyna byureih hmeiseihpa supathaihpazy liata chakaotuhpa a châ.

HEBRAI 8:2 ပူးပေါင်းရင်းမြစ်များ

PUASAINA 25:9

Achhyna byureih nata a chhôh liata hmobaoh zydua cha, a nothlahpa ei cha pahmôpa hawhna heta nama tao awpa a châ.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 28:35

Arawna ta chakaona a hnei tita viahkao pasipa cha a ky tyh aw ta, Abeipa hmiakô su pathaihpa liata â ngia tita nata a pua tita a pyu thei theipa châ aw ta, chatanachata thi aw vei.

PUASAINA 33:7

Mawsi ta poh o puakheipa ta, riehmo khôtho lâ, riehmo tawhta â hlapa liata parai tyh ta. Cha cha a moh ta ahmaohna poh o bi ta. Abeipa a pado khohpa maihta riehmo khôtho lâta ahmaohna poh o lâ cha ama pangai tyh.

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

RAWMA 15:8

Ei cha chho ei, pathlatuhpazy hnohta bietai pa-i ta, Khazohpa adona palâsa nawpa ta, Krista cha chopawtaipazy chakaotuhpa ta a vaw ypa a châ.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

KAOLAOSÂ 2:11

Ano liata chopawtaipa châ ei chi ta, cha cha ku ta chopawtaipa châ leipa ta, sapa ryhpa pahluh khaipa ta, Krista liata chopawtaipa nama châ.

HEBRAI 10:11

Theihthaipa maihta chakao awpa ta noh chareih a duah ei ta, moleinazy a siekhei thei leipa atheihna ama hlâ tyhpazy cha, a ualua ta ama hlâ chanei ngâ thlâh ha tyh.

HEBRAI 10:21

Chatanachata Khazohpa chhôhkhazy chô liata theihthai rônahpa eima hneipa vâta,

HEBRAI 11:10

Chatanachata abônazy a hneipa, Khazohpa pachhuahpanohpa nata paduapa khihpi cha a hâ hualua.

HEBRAI 9:1

Biehrai hmiatuapa chhao khata Khazohpa achhyna siekheizie nata lei liata supathaihpazy a hnei.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.