HEBRAI 8:11 - Mara Bible RV (BSI)

¹¹ ‘Abeipa pahno teh,’ tahpa ta, Vaih nata vaih a pachu raihrie khao leipa aw ei ta, Unawh nata unawh a pachu raihrie khao aw veih ei; A chyh chaipa tawhta a lai chaipa taihta, Ama zydua ta eina pahno khai aw ei.

HEBRAI 8:11 ပူးပေါင်းရင်းမြစ်များ

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 54:13

Abeipa ta na saw zydua pachu aw ta, Na sawzy cha ama thlah a lôh ngaita aw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 42:1

Chatawhcha pheisaih hyutuhpa zydua, Kariah sawchapawpa Zôhanâ, Hôsai sawchapawpa Zezaniah nata zawpi zydua cha, a chyh chaipa tawhta a lai chaipa taihta a vaw hnia ei ta,

ZEREMIAH 42:8

Kariah sawchapawpa Zôhanâ nata a hnohta a ypa pheisaih hyutuhpa zydua nata zawpi zydua, a chyh chaipa tawhta a lai chaipa taihta awpakhy ta,

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

EZEKIA 34:30

Chatanachata kei he ama hnohta a ypa Abeipa ama Khazohpa ei châ tahpa pahno aw ei ta, âmo, Izarei pathlazy cha ei phopi ama châ tahpa ama pahno aw, Abeipa Zehôvâh ta a tah.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZAWHÂNA 6:45

Hrohsopazy châbu liata, ‘Khazohpa pachupa ta ama y khai aw,’ tahpa ropa a châ. Paw bie thei ta, a chupa maih cha kei lâ amâ vy tyh.

HMOTAOPAZY 8:10

Chyhsa zydua, hawti chaipa tawhta a lai chaipa taihta, “He chyhsa he Khazohpa hmotaotheina, Rônah ama tahpa kha a châ hih,” tah ei ta, a bie ama nathlie kaw tyh.

1 ZAWHÂNA 2:27

Nâmo la, ano tawhta sathawthuna nama hmôpa kha nâmo liata y thlâh ha ta, ahy hmah pachu a ngiah veih ei chi. A sathawthuna ta kyh toti cha pachu ei ta, cha cha a do ta, haipa bie châ vei. A sathawthuna ta a cha pachupa hawhna ei khata, ano liata y thlâh ha teh u.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.