HEBRAI 7:27 - Mara Bible RV (BSI)

²⁷ Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

HEBRAI 7:27 ပူးပေါင်းရင်းမြစ်များ

EZEKIA 43:19

na chakao awpa ta nâ vaw hniapa Livai chi Zadô pathla theihthaipazy hnohta, moleina hlâna châta viahchao hri tawhta a tôh dawpa na pie awpa a châ, Abeipa Zehôvâh ta a tah.

THEIHTHAINA 16:11

“Arawna ta ano châta moleina hlâna viahchao tôhpa cheih aw ta, ano nata a chhôhkhazy châta chatlaina tao aw ta, ano châta moleina hlâna viahchao tôhpa cha a thie aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 16:6

“Arawna ta ano moleina hlâna châta viahchao tôhpa hlâ aw ta, ano nata a chhôhkha châta chatlaina a tao aw.

RAWMA 6:10

A thina cha moleina lâ kyh liata chhâzaw châta ei kha thi ta, a hrona deikua cha, Khazohpa lâ kyh liata a hroh.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 5:1

Theihthai beichaipa cha, chyhsazy vyuhpa ta Khazohpa nata azaona rai hria awpa ta chyhsazy hry tawhta atlyhpa châ ta, moleinazy châta hmopiepa nata atheihnazy hlâ awpa ta raopa a châ.

HEBRAI 5:3

Cha hawhta a châpa vâta, chyhsazy moleina châta atheihna a hlâpa hawhta, ano moleinazy châta chhao atheihna a hlâ tyh.

HEBRAI 8:4

Alei liata a ypa châ sala, ryhpa hawhta hmopiepa a hlâ awpa theihthaipazy ama ypa vâta, ano la theihthaipa a châ awpa byuh aw vei.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

HEBRAI 9:25

Theihthai beichaipa cha kô chareih ano thisaih a châ leipa thisaih a cheipa ta Su Pathaih Chaipa liata a ngia tyh ta, Krista deikua cha â hlâ chanei ngâ thlâh ha awpa a ngiah vei.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

HEBRAI 9:7

Byureih chhôh chaipa lâ deikua cha, theihthai beichaipa deita ta kô kha ta ei kha a ngia tyh ta, thisaih a chei leipa ta â ngia awpa châ vei. Cha thisaih cha ano châta nata zawpizy ta pahno leipa ta ama moleinazy atheihna châta a hlâ tyh.