HEBRAI 7:26 - Mara Bible RV (BSI)

²⁶ Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 7:26 ပူးပေါင်းရင်းမြစ်များ

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

PUASAINA 28:36

“Ngôh suapa dawhrâ tao aw chi ta, cha liata ‘Abeipa châta Pathaihpa,’ tahpa bie cha moh chahnaona taozie hawhta taopa ta, na pachohsa aw.

ISAI 53:9

Thachahra hmâh beih leipa ta, A pakah liata dôveina bie a y beih leipa chhao ta, A thi tita moleipazy hry liata pabu ei ta, Hneirôhpazy hry liata a thlâ ama taopa.

EZEKIA 44:27

Su Pathaihpa liata chakao awpa ta, dôhpachhôh tlyhmia liata nata Su Pathaihpa liata â ngia noh ta, a moleina hlâna a hlâ awpa a châ, Abeipa Zehôvâh ta a tah.

MALUHREINA 29:26

“Noh pangawhna noh ta viahchao tôhpa pô chaki, mietaku tôhpa pô no, mietakutaw chapawpa kô khapa seina hnei leipa pô hrawh hleipalih nama hlâ aw.

MATHAI 27:18

Ama hiatliapa vâta Zisu cha ama patupa a châ tahpa pahno thlâh ha ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 23:22

A ei thôhna ta ama hnohta, “Khazia maw, he chyhsa heta khâpa hmo ma a parao? Thina tlâh a châpa thaileichâna ano liata khâpa hmah hmô va na. Chavâta chhei aw na ta, ei pathlie aw,” tah ta.

LUKA 23:41

Keimo la hrie tlâh rai eima châ. Eima hmotaopa ty eima hmôpa a châ hih. He chyhsa deikua he cha, khâpa hmah parao vei,” tah ta.

LUKA 23:47

Pheisaih za kha hyutuhpa ta hmo a tlôpa cha a hmô nahta, “He chyhsa he chyhsa siapa tlai na a châ!” tah ta, Khazohpa reithai ta.

LUKA 24:26

Mesia cha, cha hmozy cha pasa taopa ta a rônahna liata â ngia awpa châ vei ma?” tah ta.

LUKA 24:46

ama hnohta, “Hetana heta ropa a châ: ‘Mesia cha riethei tao aw ta, a noh thôhna noh ta athihpa hry tawhta thyu heih aw ta,

ZAWHÂNA 14:30

He tawhta la nama hnohta bie reih hluh thei khao aw va na, khizaw ryureituhpa a vy tlôh aw ta. Ei chô liata biehnei taraw vei,

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

HMOTAOPAZY 4:27

He khihpi liana heta, châ chakaotuhpa pathaihpa, na sathawthupa Zisu kyh vâta, Herawda nata Pawtia Pilâ nata Zenitaizy nata Izarei chiphozy amâ hmaohpakhy.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 7:11

Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 PITY 1:19

mietakutaw seina hnei leipa nata apuapa a bai leipa thisaih hawhta Krista thisaih sôhpa ta chatlaipa nama châpa nama pahno.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

1 ZAWHÂNA 3:5

Krista cha moleinazy siekhei awpa ta â vaw luah tahpa nama pahno. Ano liata la moleina rai y vei.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.