HEBRAI 7:25 - Mara Bible RV (BSI)

²⁵ Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

HEBRAI 7:25 ပူးပေါင်းရင်းမြစ်များ

ZAWBÂ 22:17

Khazohpa hnohta, ‘Maniah siesai teh, Atotaotheipa ta eima chô liata khâpa ma a tao thei tly?’ tah ei ta.

ZAWBÂ 23:3

Aw, ano ei hmô thei nawpa su pahnopa ta, A pahrâna su lâ a sie theipa châ aw sah la,

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

ISAI 59:16

Tlybaipazy a bao awpa chyhsa y leipa ei ta, Âmo châta thlah a chhâ awpa a hmô leipa vâta, Abeipa cha noâh a tah ngaita. Chavâta ano bâh tlai ta a pachhana patlôsa ta, Ano siana tlai ta a bao ei.

ISAI 63:1

Chysia saihdôhpa ta a tobi ta, Edômâ râh Bôzrâ khihpi tawhta a vypa hao Ahy ma a châ tly? Poh rônahpa a bu ta, Thatlô ngaitapa ta hrâ a vaw siepa hao Ahy ma a châ tly? “Keima na ei châ; Siana ta bie reih na ta, Pachha awpa ta thatlôna a hneipa ei châ,” Abeipa ta a tah.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

ZAWHÂNA 14:13

Paw cha Sawchapawpa liata parônahsapa ta a y thei nawpa ta, ei moh ta nama hiapa maih ei tao lymâ aw.

ZAWHÂNA 14:16

Paw lâ hiah aw na ta, chhâzaw ta nama hnohta y awpa ta, Thlapalôhtuh hropa a cha pie aw ei.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

EPHESI 3:12

Krista eimâ ngiapâpa vâta, riahphapa nata ngâhna chôta Khazohpa eima hnia thei haw.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

1 TIMAWTHY 2:5

Khazohpa cha pakha deita y ta, Khazohpa nata chyhsazy likah liata lyuhchâpa pakha deita a y. Ano cha chyhsapa ta a pihpa Krista Zisu a châ.

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

HEBRAI 2:18

Ano tlai ta reipasaona a tyh ta, pasa a vaw tao hapa vâta, reipasaona a tyhpazy a bao thei ei.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

HEBRAI 7:16

Ano cha sapa chipathla liata a pahniehpa ryhpa hawhta theihthaipa ta raopa châ leipa ta, hro chhâna hnei leipa hmotaotheina hmâpa ta theihthaipa ta raopa a châ.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.

HEBRAI 7:24

Zisu deikua cha, chhâzaw ta a hrohpa a châpa vâta, a thla beih leipa, chhâzaw theihthaipa a châ.

HEBRAI 7:8

Kyh kha liata cha, chyhsa thi theipazy hnohta su hrawh su kha piepa châ ta, kyh hropa liata deikua cha, hroh thlâhpa a châ tahpa pahnokheipa hnohta su hrawh su kha piepa a châ.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,