HEBRAI 7:21 - Mara Bible RV (BSI)

²¹ Kha hlâta theihthaipa a vaw châ tyhpazy kha, bietai tao leipa ta theihthaipa a vaw châ tyhpazy châ ei ta, he theihthaipa deikua he cha, “Abeipa ta bie a taih ha ta, A palôh panano aw vei, ‘Chhâzaw theihthaipa na châ,’” tahpa ta a hnohta bie a reituhpa bietai ta theihthaipa ta raopa a châ.

HEBRAI 7:21 ပူးပေါင်းရင်းမြစ်များ

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

RAWMA 11:29

Khazohpa hmosaipiepazy nata a awna cha panano heih theipa châ vei.

HEBRAI 5:6

Su hropa liata chhao, ano a raotuhpa ta, “Melkizade theihthaipa châna lâpi a chhihpa ta, Chhâzaw theihthaipa na châ” tahpa ta a reih heih.

HEBRAI 7:17

Chavâta ano kyh liata, “Melkizade theihthaipa châna lâpi a chhihpa ta, Chhâzaw ta theihthaipa na châ,” tahpa ta pahnokheipa a châ.

HEBRAI 7:20

Melkizade theihthaipa châna lâpi a chhihpa ta theihthaipa a châpa Abeipa cha, bietai a hlao leipa ta theihthaipa ta raopa châ vei.

HEBRAI 7:23

Theihthaipazy cha thina vâta ama raihria ama pazao lymâ thei leipa vâta, theihthai hmiatuapazy maluh ama hluh ngaita.

HEBRAI 7:28

Ryhpa ta chiehleina a hneipa chyhsazy cha theihthai beichaipa ta rao tyh ta, ryhpa a y khai tawhta a vaw ypa bietai bie deikua ta cha, chhâzaw châta pakipa ta taopa Sawchapawpa cha theihthai beichaipa ta a rao haw.

1 SAMUELA 15:29

Izarei Rônahna cha haipa bie reih leipa aw ta, a palôh anano hra aw vei. Ano cha chyhsapa hawhta a palôh anano thaipa châ vei,” tah ta.