HEBRAI 7:18 - Mara Bible RV (BSI)

¹⁸ Biepiepa hmiatuapa cha, chiehleina nata phahnai leina a hneipa vâta hnypa a châ.

HEBRAI 7:18 ပူးပေါင်းရင်းမြစ်များ

HMOTAOPAZY 13:39

Ahy rai a ngiapâpa maih cha ato liata thai pachâsapa ta ama y. Mawsi ryhpa ta la, chazy liata thai pachâsapa ta y thei veih ei chi.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

KALATIA 3:17

Rei ei chhuahpa cha he he a châ: Biehrai taopa a châ tawhta kô 430 khô lâta a vaw ypa ryhpa heta, Khazohpa ta a vaw pa-i hapa biehrai kha parao leipa ta, bietai chhao aruapa pachâsa vei.

KALATIA 3:21

Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

KALATIA 4:21

Ryhpa ry liata a y khohpa saih u, na chho teh u, ryhpa bie cha nathlie tyh vei ei chi ma?

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.