HEBRAI 7:11 - Mara Bible RV (BSI)

¹¹ Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?

HEBRAI 7:11 ပူးပေါင်းရင်းမြစ်များ

KALATIA 2:21

Khazohpa ngiachhiena cha hraolei pachâsa va na. Ryhpa liata thaichâna a y khiahta cha, Krista cha hraoleipa ta a thipa a châ aw.

KALATIA 4:3

Cha hawhna chata keimo chhao, hawti eima châ nota cha, khizaw ryhpa ry liata sei ta eima y.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

HEBRAI 5:10

Melkizade theihthaipa châna lâpi a chhih ta, Khazohpa ta ano cha theihthai beichaipa ta a tao haw.

HEBRAI 5:6

Su hropa liata chhao, ano a raotuhpa ta, “Melkizade theihthaipa châna lâpi a chhihpa ta, Chhâzaw theihthaipa na châ” tahpa ta a reih heih.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 7:10

Melkizade ta Abarahâ a vaw dy nona kha, Livai cha ano pathlatuhpa Abarahâ thisaih liata a y hapa a châ.

HEBRAI 7:12

Theihthaipa raihria siezie pananopa a châ khiahta cha, ryhpa chhao panano awpa a byuh tyh.

HEBRAI 7:13

A thâtih eima reipa he chihropa châ ta, cha chi tawhta ahy hmah maisâh liata chakao beih veih ei.

HEBRAI 7:15

Melkizade hawhpa theihthai hropa a vaw y nahta, cha kyh cha a sia via rili.

HEBRAI 7:21

Kha hlâta theihthaipa a vaw châ tyhpazy kha, bietai tao leipa ta theihthaipa a vaw châ tyhpazy châ ei ta, he theihthaipa deikua he cha, “Abeipa ta bie a taih ha ta, A palôh panano aw vei, ‘Chhâzaw theihthaipa na châ,’” tahpa ta a hnohta bie a reituhpa bietai ta theihthaipa ta raopa a châ.

HEBRAI 8:7

Biehrai hmiatuapa kha seina hnei leipa vaw châ ha sala, biehrai hropa tlua a byuh lei awpa tlai.

HEBRAI 9:6

Cha hawhta ato pachhuahpanohpa a châ khai tawhta, theihthaipazy cha ama chakaona rai hria awpa ta, byureih tytuapa lâ cha noh chareih amâ ngia tyh.