HEBRAI 7:10 - Mara Bible RV (BSI)

¹⁰ Melkizade ta Abarahâ a vaw dy nona kha, Livai cha ano pathlatuhpa Abarahâ thisaih liata a y hapa a châ.

HEBRAI 7:10 ပူးပေါင်းရင်းမြစ်များ

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 46:26

Zakaw sawchapawzy lapinôzy rei leipa ta, Zakaw hnohta Izi râh a ngia hrapa, ano chipathlazy cha ama zydua ta sycharu nata pacharu ama châ.

1 ABEIZY 8:19

Châhrasala nâma ta o cha sa aw va chi. Sawchapawpa na sa awpa ta ei moh châta o cha a sa aw,’ tah ha ta.

HEBRAI 5:6

Su hropa liata chhao, ano a raotuhpa ta, “Melkizade theihthaipa châna lâpi a chhihpa ta, Chhâzaw theihthaipa na châ” tahpa ta a reih heih.

HEBRAI 7:11

Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?

HEBRAI 7:5

Livai pathlazy hry liata theihthaipa raihria a topa maih cha, ryhpa hawhta chyhsazy tawhta su hrawh su kha la awpa ta biepiepa ama châ. Cha chyhsazy cha Abarahâ pathla ama unawhzy châ ei ta, âmo tawhta su hrawh su kha ama la tyh.

HEBRAI 7:9

Su hrawh su kha a la tyhpa Livai tlai chhao kha, Abarahâ siepahliepa ta su hrawh su kha a pie hrapa hawhta pachâ theipa a châ.