HEBRAI 6:8 - Mara Bible RV (BSI)

⁸ Chhaohlei ta ahloh nata bôbawzy a papua khiahta deikua cha, hnypa ta y ta, chhiesa thlupa châ ta, a chhâ nawpa cha mei ta rao awpa a châ.

HEBRAI 6:8 ပူးပေါင်းရင်းမြစ်များ

ÂTHAONA 4:11

Chavâta na unawhpa na thie nota, a thisaih palâ awpa ta a pakah a kaw âpa chhaohlei tawhta chhiesapa na châ haw.

ÂTHAONA 5:29

“Abeipa ta chhie a sa hapa chhaohlei liata eima hriapasana nata rietheinazy tawhta phao miah pahua awpa,” tah ta a moh Nôah a bi.

2 SAMUELA 23:7

Ahlohzy a hriapa cha, Thua nata asei bih zy hmâpa ta, A su liata mei ta tlokhuh a rao khai ha tyh.”

ZAWBÂ 31:40

Âtâ sâh vyuhpa ta ahlohzy pyuh sala, Bâli sâh vyuhpa ta sibie rupazy pyuh mawh sy,” tah ta. He liana heta Zawbâ biezy cha a chhâ haw.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

ISAI 27:4

Ei hiehâh khao vei. Ahloh nata diahsai zy a hrâh hra ei sala, Âmo cha siehnao aw ei na ta, Mei ta ei tô khai aw ei.

ZEREMIAH 17:6

Râhchawhpa liata chhobuh hawhta châ ta, Hmo phapa a vaw tlô tita hmô aw vei. Râhchawhpa chawhkaraipa suzy liata pahrâ aw ta, Chyhsa y leina alôh râh liata a pahrâ aw.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

EZEKIA 20:47

Neke râhmâhpa hnohta, ‘Abeipa bie nathlie teh, Abeipa Zehôvâh ta hetana heta a tah: Moh teh, na chhôh liata mei patih aw na ta, na chhôh liata tho hrohpa nata tho raohpa zydua a kâ khai ha aw. Meipaleih a duah ngâpa cha pachhaipa châ leipa aw ta, chho lâ tawhta maw lâ taihta râh hmia zydua a kâ khai ha aw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 7:19

Thei phapa a pathei leipa tho maih cha thlupa châ ta, mei liata thypa a châ tyh.

MÂKA 11:14

Zisu ta theiku kô hnohta, “Ahy hmahta na thei nie beih khao khah sy,” tah ta. Cha bie cha a pachupazy ta thei ei ta.

MÂKA 11:21

Pity ta a vaw thei ta, Zisu hnohta, “Pachutuhpa, moh tua! Theiku kô chhie na sapa kha a raoh ha huh,” tah ta.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

HEBRAI 10:27

Ryureina rarôh ypa nata ano dyuhtuhpazy a kâ patlô awpa hiehâhna mei tlao a y aw.

HEBRAI 12:17

Cha khai tawhta byhnâ to awpa khoh ta, mothlih chhaota a hiapa chhao ta, ro nawpa daihti rypaohpa a hmô khao leipa vâta, dythapa a châpa kha nama pahno.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.