HEBRAI 6:20 - Mara Bible RV (BSI)

²⁰ Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 6:20 ပူးပေါင်းရင်းမြစ်များ

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

MALUHREINA 18:28

Cha hawhna chata Izarei sawzy tawhta su hrawh su kha nama topa zydua tawhta Abeipa lâta nama pie pachhuah awpa châ ta, cha su hrawh su kha tawhta Abeipa tovyuh nama pananopa cha theihthaipa Arawna nama pie aw.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 5:10

Melkizade theihthaipa châna lâpi a chhih ta, Khazohpa ta ano cha theihthai beichaipa ta a tao haw.

HEBRAI 5:6

Su hropa liata chhao, ano a raotuhpa ta, “Melkizade theihthaipa châna lâpi a chhihpa ta, Chhâzaw theihthaipa na châ” tahpa ta a reih heih.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.

1 ZAWHÂNA 2:12

Sawzy saih u, ano moh ta nama moleinazy a ngiahthaipa a châpa vâta, nâmo lâ ei vaw roh.