HEBRAI 6:2 - Mara Bible RV (BSI)

² bâtina, ku pahniehna, athihpa thyuheihna nata chhâzaw pachiana thâtih pachu pathaonazy liata y khao khah ei suh u.

HEBRAI 6:2 ပူးပေါင်းရင်းမြစ်များ

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MATHAI 3:14

Châhrasala Zawhâna ta, “Nâ ta bâti eina pachâsa awpa chi tlao ei ngiah. Kheihtazieta kei lâ a vypa ma na châ?” tah ta, thlyu a chhuah ta.

MÂKA 16:16

A ngiapâ ta bâti a châpa cha pachhapa ta y aw ta, a ngiapâ leipa deikua cha thaileichâpa ta a y aw.

MÂKA 7:4

Chavâta sôhdaoh su tawhta o lâ amâ di tita, ama ngai amâ si ha tua leipa ta cha, pati nie veih ei. Taozietyhpa ama zyhpa hropa hluhpi y ta, nyuzy, beihzy, dawhbeihzy nata niena tlâhkhaizy pasinazie hawhpa taozietyhpa hluhpi ama chhypa a y hra.

MÂKA 7:8

Khazohpa biepiepazy siesai ei chi ta, chyhsa taozietyhpa tlao namâ patu,” tah ta.

LUKA 11:38

Pati nie hlâta a ku â si leipa Phârisaih chata a hmô nahta, noâh tah kaw ta.

LUKA 12:50

Châhrasala bâti châ awpa ei hnei. Cha cha ei pangoh hlâlei cha ei hu a po kaw dia!

LUKA 14:14

Âmo cha châ thô thei awpa ama châ leipa vâta, byhnâ to aw chi ta, chyhsa dopazy thyuheihna liata thôpa na châ aw,” tah ta.

LUKA 3:16

Zawhâna ta âmo cha a chhy ta, “Kei ta la ti ta cha bâti ei na ta, châhrasala keima hlâta rônah viapa â vy hai, kei la a pheiky ri a pathlâ tlâh chhao châ va na. Ano ta la Thlahpa Pathaihpa nata mei ta a cha bâti aw ei.

ZAWHÂNA 1:33

Ano cha ahy ma a châ tahpa pahno va na. Châhrasala ti ta bâti pachâsa awpa ta nâ tuahtuhpa ta ei hnohta, ‘Thlahpa za chô ta, a chô liata â chohpa na hmôpa cha, ano tlai cha Thlahpa Pathaihpa ta bâti a pachâsa awpa cha a châ,’ tahpa ta na chho ta.

ZAWHÂNA 5:29

ama kaw thyu khai aw. Hmopha a taopazy cha hrona to awpa ta thyu aw ei ta, moleina hmo a taopazy deikua cha, thailei châ awpa ta ama thyu aw.

HMOTAOPAZY 10:47

“Keimo eima hneipa hawhta Thlahpa Pathaihpa a hneipa chyhsazy he ti ta bâti ama châ lei nawpa ta, ahy a pakhâ thei aw?” tah ta.

HMOTAOPAZY 13:3

Kâhvileipa ta thlah ama chhâ khai nahta, Bânabâ nata Sawla chô liata ama ku pahnieh ei ta, pasiesa ha ei ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 16:33

Zâcho ta âmo cha a chhi ta, ama chheina hmahzy cha pasi ta, ano nata a chhôhkhazy cha bâti châ ha ei ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 23:6

Pawla ta thokha Saduasizy châ ei ta, thokha Phârisaihzy ama châpa a pahno nahta, ryureituhpazy hnohta, “Unawh saih u, kei he Phârisaih châ na ta, Phârisaih sawchapawpa ei châ. Athihpa thyuheihna hnabeiseihna kyh vâta ryureina hmiakô liata a duahpa ei châ hih?” tah ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 24:21

Ama hmiakô liata ei dua nota ei reipa bie, ‘Athihpa thyuheihna kyh liata tanoh he nama hmiakô liata a duahpa ei châ hih,’ ei tahpa bie hleikhô ta eina leihna awpa hropa ama pahno khiahta cha, reih mawh ei sy,” tah ta.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

HMOTAOPAZY 26:8

Khazohpa ta athihpa a pathyu tahpa he, khazia zo chhih leipa hmo ta nama rao tly?

HMOTAOPAZY 4:2

Zawpi pachu ei ta, Zisu vâta athihpa hry tawhta thyuheihna kyh ama reipa vâta, ama palôh châ lei ngaita ta.

HMOTAOPAZY 6:6

Cha chyhsazy cha lyuhchâpazy hmiakô liata paduasa ei ta, ama chô liata ku pahniehpa ta, thlahchhâpa ei ta.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 10:2

Ama zydua ta meihdo nata tilaipi liata Mawsi hnohta a ngiarihpa ta bâti ama châ.

1 KAWRINI 12:13

Eima zydua ta, Zuzy chhao, Krikâhzy chhao, sei chhao, khotalaipa chhao, pôhpa miakha châ awpa ta Thlahpa miakha ta bâti pachâsapa châ pi ta, Thlahpa miakha tawhta padosapa eima châ khai.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

KAOLAOSÂ 2:12

Bâtina liata a hnohta pabupa châ ei chi ta, athihpa hry tawhta ano a pathyutuhpa Khazohpa raihria hmotaotheina namâ ngiapâpa vâta, nâmo chhao a hnohta pathyupa nama châ.

2 TIMAWTHY 2:18

Biehmeiseihpa paviasai ei ta, thyuheihna a y haw tah ei ta, chyhsa thokha ngiapâna ama parao.

HEBRAI 11:35

Chanôzy ta ama chyhsa athipa thyuheihpazy hmô ei ta. Thokhazy cha taolapa ta y hra ei sala, hro pha viapa lâta ama thyuheih thei nawpa ta, pua awpa khoh hlei veih ei.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.