HEBRAI 6:18 - Mara Bible RV (BSI)

¹⁸ Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

HEBRAI 6:18 ပူးပေါင်းရင်းမြစ်များ

ÂTHAONA 19:22

Hao khih lâ hao a chatliepa ta a râ mah y. Na tlô hlâlei khâpa hmah tao thei aw va na,” tah ta. Chavâta cha khih moh cha Zawâ bipa a châ.

1 ABEIZY 2:28

Cha thâtihzy cha Zôabâ ta a vaw thei nahta, Abeipa poh o lâ a râ ta, maisâh kizy kei patu ta. Zôabâ heta Absalaw kha cha a chhâh â châh lei tarawpa ta, Adôniza chhâh deikua cha a châh ta.

HLAZY 110:4

“Melkizade theihthaina yzie hawhta, Tlyzaw ta theihthaipa na châ aw,” tahpa ta, Abeipa ta bie châ taih ha ta, A palôh panano aw vei.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 62:8

Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

BIESOZY 3:18

Ano â patupa maih châta hrona tho châ ta, Â ipa ta ano a patupazy cha thaphapa ta ama y.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 56:4

Abeipa ta hetana heta a tah: “Ei Pahânohzy chay ta, Nâ palysapa hmozy a tlyhpa ta, Ei biehrai khâchâ â patupa hrilyupazy cha,

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ZEKARIA 9:12

Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

RAWMA 15:5

Tiamana nata thatlôna Khazohpa ta Krista Zisu khozie hawhta nama zydua ta a ryh ngaitapa ta y awpa ta cha bao mawh ei sy.

RAWMA 3:25

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

PHILIPI 2:1

Krista liata thapatlôna, a kyhpachâna vâta thlalôhna, Thlahpa akaona, thapasana nata ngiachhiena zy nâmo liata a chyhta chhâ a y khiahta cha,

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 TIMAWTHY 1:1

Kei, Pawla, Khazohpa miah Pachhatuhpa nata Krista Zisu eima hnabeiseihna biepiepa hawhta Krista Zisu lyuhchâpa ta

1 TIMAWTHY 6:12

Ngiapâna ta adyuhna phapa a dyuh la, chhâzaw hrona patu mah y. Cha cha to awpa ta awpa châ chi ta, pahnotuhpa hluhpi hmiakô liata a phapa ta nâ duakheipa kha a châ.

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 3:11

Pathi iapa ta bie ei taihpa hawhta, ‘Ei pahâna liata a ngia aw veih ei,’” tah ta.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 6:17

Khazohpa ta â chhuahna anano beih leipa cha, bietai ryutotuhpazy hnohta tha via ta a pamosa khoh tita, bietai hmâpa ta a pa-i tyh.

HEBRAI 7:19

Ryhpa bie ta khâpa hmah pakisa thei vei. Hnabeiseihna pha viapa vaw tlô ta, cha hnabeiseihna vâna chata Khazohpa eimâ hnia thei haw.

HEBRAI 7:21

Kha hlâta theihthaipa a vaw châ tyhpazy kha, bietai tao leipa ta theihthaipa a vaw châ tyhpazy châ ei ta, he theihthaipa deikua he cha, “Abeipa ta bie a taih ha ta, A palôh panano aw vei, ‘Chhâzaw theihthaipa na châ,’” tahpa ta a hnohta bie a reituhpa bietai ta theihthaipa ta raopa a châ.

ZAWSUA 20:3

Chatanachata achhuahna y leipa ta chyhsa a thie pathleipazy tlyma, pahno leipa ta a thie pathleipazy tlyma, abohna khihpizy lâ cha a râ aw ei ta, thisaih phuh latuhpa tawhta namâ bohna su a châ aw.

1 ZAWHÂNA 1:10

Molei ma pi eima tah khiahta cha, ano cha a haihpa ta tao pi ta, a bie keimo liata y vei.

1 ZAWHÂNA 5:10

Khazohpa Sawchapawpa a ngiapâpa maih ano liata a pahnona a hnei. Khazohpa a ngiapâ leipa deikua cha, Khazohpa ta a Sawchapawpa a pahnokheina â ngiapâ leipa vâta, Khazohpa cha a haihpa ta a tao.

1 SAMUELA 15:29

Izarei Rônahna cha haipa bie reih leipa aw ta, a palôh anano hra aw vei. Ano cha chyhsapa hawhta a palôh anano thaipa châ vei,” tah ta.