HEBRAI 6:16 - Mara Bible RV (BSI)

¹⁶ Chyhsazy ta âmo hlâta rônah viapa moh reipa ta bie a taih tyh ei ta, aeichhiana ama hneipa to liata chhao, bietai cha bietluna pa-ina châta ama hmâh tyh.

HEBRAI 6:16 ပူးပေါင်းရင်းမြစ်များ

ÂTHAONA 14:22

Abarâ ta Sawdawmâ bei hnohta, “Lei nata vâ hneituhpa Khazohpa Chônôchaipa, Abeipa lâta bie a taih ha na ta,

ÂTHAONA 21:23

Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta.

ÂTHAONA 21:24

Abarahâ ta, “Bie ei taih,” tah ta.

ÂTHAONA 31:53

Abarahâ Khazohpa nata Nâhaw Khazohpa nata âmo pathlatuh Khazohpa ta eima likah liata pachia mawh sy,” tah ta. Chatanachata Zakaw cha a paw Aisika China moh ta bie a taih ta.

2 SAMUELA 21:2

Abei ta Kibiô mo cha aw ta, bie a chho ta. Kibiô mo he Izarei pathlazy châ leipa ei ta, Amawri mo laibâhpazy châ ei ta. Âmo he cha pahlôh awpa ta Izarei sawzy ta bie amâ vaw taih hapa a châ. Sawla ta Izarei pathlazy nata Zudâh pathlazy châta phahnai â ngiah tuna liata Kibiô mo cha pamua khai ha awpa â vaw chhuahpa a châ.

PUASAINA 22:11

a mokhâhtuhpa cha a vaih sahroh a hria nata hria lei pasia nawpa ta, Abeipa moh reipa ta ama pano likah liata chhie a sakhâh aw ei ta, hneituhpa ta chhie amâ sakhâhna bie hawhta a pyh aw ta, mokhâhtuhpa ta thô aw vei.

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

HEBRAI 6:13

Khazohpa ta Abarahâ hnohta bietai a tao nona kha, ano hlâta rônah viapa moh reipa ta bie â taih nawpa a y leipa vâta, anosasyh ta bie a taih ta,