HEBRAI 6:12 - Mara Bible RV (BSI)

¹² Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

HEBRAI 6:12 ပူးပေါင်းရင်းမြစ်များ

BIESOZY 12:24

Tiamapa ku ta ryureina chaba aw ta, Thathipa deikua cha ku rai hriatuhpa a châ aw.

BIESOZY 13:4

Thathipa hro cha hmo khoh kaw ta, Châhrasala a hnei theipa y leipa ta; Tiamapa hro deikua cha, Lôhrâtlôna taihta a hnei.

BIESOZY 15:19

Thathipa lâpi cha ahloh thih hawhta châ ta, Adopa lâthlôh deikua cha lâlai a raih pha kawpa a châ.

BIESOZY 18:9

A raihria liata chyhsa thathipa cha, Paraotuhpa unawhpa a châ.

BIESOZY 2:20

Chavâta lâpi phapa a chhih la, Siana lâpi liata sie mah y.

BIESOZY 26:14

Ochhi a baolie liata â pahiehpa hawhta, Thathipa cha a rakhô liata â paliepatheih.

BIESOZY 28:10

Lâpi doleipa liata chyhsa dopa a pasiesatuhpa cha, Ano khaohtlô chaopa lia tlai ta tla aw ta; Chyhsa phapakipazy deikua cha, Ryu phapa ama to aw.

HLAZY HLA 1:8

Hy chanôzy hry liata chhithai chainô y, Na pahno vei khiahta la, Mietaku zaw hniehnôh vaw chathôh laih la, Mietaku vaituhpazy poh ozy kiah liata, Na mietaw chanôpazy vaw pasa mah y.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MATHAI 22:32

‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta a reipa kha reih beih veih ei chi ma? Khazohpa cha athipa Khazohpa châ vei, ahrohpa Khazohpa a châ,” tah ta.

MATHAI 25:26

A zibeipa ta a hnohta, ‘Nâ, chakaotuhpa moleipa nata thathipa! Ei tu leina liata hria tyh na ta, ei hie leina liata chhao ei tai tyh tahpa cha na pahno ma?

LUKA 16:22

Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

RAWMA 12:11

Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 4:12

Chopawtaipazy chhao chopawtai thlâhthlipazy châ leipa ta, miah pathlatuhpa Abarahâ chopawtaipa a châ hlâta â ngiapâna pheihnie a pazituhpa ama châ thei nawpa ta, ano cha chopawtaipazy paw ta taopa a châ hra.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

2 THYSALAWNIKA 1:4

Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 10:36

Khazohpa khopa nama tao khai tawhta, bietaipa nama hmô thei nawpa ta, daotheina namâ ngiahpa rai a châ.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

HEBRAI 13:7

Khazohpa bie châ chhotuhpa nama hyutuhpazy a thei thlâh ha u la, ama hro liata hmo phapazy pachâ u la, amâ ngiapâna hâ a la teh u.

HEBRAI 5:11

Cha kyh liata bie hluhpi rei awpa eima hnei. Nama nah a pâ hapa vâta chhopasia deikua a ru kaw.

HEBRAI 6:15

Chatanachata Abarahâ cha palôh pasi ngaitapa ta a hâ tawhta bietaipa cha hmô ha ta.

ZÂMIE 1:3

Namâ ngiapâna pasiana ta tiamana a tao tahpa nama pahno.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

1 ZAWHÂNA 2:25

Chhâzaw hrona to awpa ta ano tlai ta bie miah â taih.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.