HEBRAI 5:7 - Mara Bible RV (BSI)

⁷ Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

HEBRAI 5:7 ပူးပေါင်းရင်းမြစ်များ

HLAZY 22:24

Ano cha pasa a taopa pasataona mohnao leipa ta, Pasi hra vei; A hmia nyusai leipa ta, A aw tita a nathlie tyh.

HLAZY 69:1

Hy Khazohpa, na pachha mah y! Tizy ta ei rao taih eina vao ha hih.

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

ISAI 49:8

Abeipa ta hetana heta a tah: “Khokheina daihti liata châ chhy na ta, Pachhana noh liata ei cha bao. Râh paduapathi ta, Roryhrapa ta a y hapa ryuto râhzy rai awpa ta, Biehrai phopi châta cha tao na ta, ei cha rao.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

THEIHTHAINA 2:2

Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

MATHAI 27:46

Dawh thôh rachhôhpa liata, Zisu cha ao paro ngaitapa ta awh ta, “Eli, Eli, lâmâ sabakthâni?” tah ta, cha cha, “Ei Khazohpa, Ei Khazohpa, khazia eina pathlua chi?” tahna a châ.

MATHAI 27:50

Zisu cha ao paro ngaitapa ta awh heih ta, a thlahpa pathlie ha ta.

MÂKA 15:34

Dawh thôhpa liata, Zisu cha ao paro ngaitapa ta awh ta, “Elôi, Elôi, lâmâ sabakthâni?” tah ta, cha yzie cha “Ei Khazohpa, ei Khazohpa, khazia eina pathlua chi?” tahna a châ.

MÂKA 15:37

Zisu cha ao paro ngaitapa ta awh ta, a hu chhâ ha ta.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 11:35

Zisu cha ta.

ZAWHÂNA 11:42

Ei bie khâ na nathlie tyh tahpa ei pahno. Châhrasala he liata zawpi a duahpazy heta, na tuapa ei châpa ama pahno thei nawpa ta, he bie he ei reipa a châ,” tah ta.

ZAWHÂNA 17:1

Cha biezy cha Zisu ta a rei khai nahta, avâ lâ ua ta, “Ei Paw, a daihti a tlô haw, na Sawchapawpa he parônahsa mah y. Chatanachata na Sawchapawpa chhao ta a cha parônahsa aw.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

HEBRAI 10:10

Cha hmochhuahpa hawhna chata, chhâzaw châta ei kha hlâpa Zisu Krista pôhpa ta pathaisapa ta eima y haw.

HEBRAI 10:5

Chavâta khizaw lâ â zu nona khata, Krista ta, “Atheihna nata hmohlâpazy khoh leipa chi ta, Pôhpa tlao nâ chhuanohpa chi ta,

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

1 ZAWHÂNA 4:3

Zisu a châhkhei leipa thlahpa maih cha Khazohpa tawhta châ vei. Cha cha Krista dyuhtuhpa thlahpa, a vy awpa nama theipa nata tahmâ chhao khizaw liata a y hapa he a châ.

2 ZAWHÂNA 1:7

Dôveituhpa hluhpi khizaw liata ama vaw pua haw. Âmo cha Zisu Krista sapa ta â vypa a pyh leipazy ama châ. Cha hawhpa chyhsazy cha dôveituhpa nata Krista dyuhtuhpazy ama châ.