HEBRAI 5:14 - Mara Bible RV (BSI)

¹⁴ Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.

HEBRAI 5:14 ပူးပေါင်းရင်းမြစ်များ

ÂTHAONA 3:5

Nama nie noh ta nama mo vaw pavâ aw ta, chhie nata pha pahnopa ta Khazohpa hawhta nama vaw châ ha aw tahpa Khazohpa ta a pahnopa vâta a châ chuh,” tah ta.

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

1 ABEIZY 3:11

Khazohpa ta a hnohta, “Hro pasina hiah leipa chi ta, hneirôna hiah hra leipa chi ta, na chariahpazy thina chhao hia leipa chi ta, hmo dopa pahno thei nawpa novâhna tlao na hiapa vâta,

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

ZAWBÂ 12:11

Paleih ta niedo a pachâhpa hawhta, Nakhaoh ta biezy pasia tyh vei ma?

ZAWBÂ 34:3

Pakah ta niedo pahâna a pahnopa hawhta, Nakhaoh chhao ta bie a pasia tyh.

ZAWBÂ 6:30

Ei hmao liata adoleina a y ma? Ei pakah ta hmo pha leipa pahno thei vei ma?” tah ta.

HLAZY 119:103

Na biezy cha ei pakah châta a thlôh kaw dia! Kheihti hlâta ei pakah liata a thlôh via.

HLAZY HLA 1:3

Na sathawzy chhao a roh a pahâh ngaita. Na moh cha sathaw ropahâhpa patlaipa hawhta châ ta, Chavâta laihsazy ta ama cha khoh ngaita.

HLAZY HLA 2:3

Râhmâhpa thozy hry liata epuh kô hawhta, Ei lôhdupaw chhao satliazy hry liata â lâ patlua. Palôhtlâh ngaitapa ta a nohdi ry liata a tyuh na ta, Ei pakah liata a thei a thlôh ngaita.

ISAI 7:15

Hmo chhiepa dythapa ta hmo phapa atlyhna châh a pahno tita cha, sâhpiti kuapa nata kheihti a nie tyh aw.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

RAWMA 14:1

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

EPHESI 4:13

Eima zydua ta ngiapâna nata Khazohpa Sawchapawpa pahnona liata pôhkha châpa ta, pitlohna hro hneipa ta, Krista pakina tlu ta pakipa ta eima y thei nawpa ta piepa a châ.

PHILIPI 3:15

Keimo, pitlohpazy ta cha, cha hawhpa palôh cha phaoh ei suh u. Kheihawhpa kyh liata tlyma, palôh nanopa a phaohpa nama châ khiahta cha, cha chhao cha Khazohpa ta a cha pahnosa aw ei.

1 THYSALAWNIKA 5:21

ato pasiapa ta, a phapa maih a pyh u la,

1 TIMAWTHY 4:7

Khazohpa nata a zao leipa phôhpa thlâhthlipazy nata nôpipazy biephôh liata pahâh leipa la, Khazohpa chyhsa châ awpa ta nâmasasyh ta a hrie mah y.

HEBRAI 6:1

Chavâta Krista thâtih pachu pathaonazy tawhta laiseih lymâpa ta, pitlohna lâ pangai ei suh u. Hmotao thipazy liata rona lôbôzy bô chanei leipa ta, Khazohpa ngiapâna,

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.