HEBRAI 5:12 - Mara Bible RV (BSI)

¹² A daihti pachâpa ta, pachutuhpa a châ bâ awpa châ ei chi ta, châhrasala Khazohpa bie thabypa pachu namâ ngiah thlâh ha chy. Sâhpiti a ngiah chy ei chi ta, pati hmeiseihpa nie thei mâh veih ei chi.

HEBRAI 5:12 ပူးပေါင်းရင်းမြစ်များ

2 SAMUELA 16:23

Kha daihti liata cha, Ahitôphe ryhraona biezy cha Khazohpa bie hawhta pachâpa a châ tyh. Chavâta Ahitôphe ryhraokheinazy cha, Dâvi chhao, Absalaw chhao, ama pasô ngaitapa a châ.

EZRÂ 7:10

Ezrâ cha Abeipa Ryhpa a chu ta, â chupazy cha hrokhei ta, Abeipa bieraopazy nata pachianazy cha, Izarei liata pachu awpa ta a palôh liahsa tao ta.

HLAZY 34:11

Sawzy saih u, a vy u la, na nathlie teh u, Abeipa china kyh ei cha pachu aw ei.

ISAI 28:13

Chavâta Abeipa bie cha âmo châta, Biepiepa chô liata biepiepa hropa baichhapa ta, Biepiepa nata biepiepa sai ta a pathopa dei châ aw ta; Bieraopa chô liata bieraopa hropa baichhapa ta, Bieraopa nata bieraopa sai ta a biepa dei châ aw ta, He liata a chyhta pachu ta, Hao liata a chyhta a pachupa rakhapa dei a châ aw. Chatanachata ama sie tita â die lâta pao aw ei ta, Hmah phaohpa ta khoheih liata a ao aw ei ta, Patupa ama châ aw.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MÂKA 9:19

Zisu ta âmo cha a chhy ta, “Hy ngiapâleipa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

1 KAWRINI 14:19

Chtahrasala Awnanopa pakhyna liata la, reihtheileipa ta biesâ thy kha reipa hlâta, mohropazy ei pachu thei nawpa ei ta, reih theipa ta biesâ miapangawh reipa pha ei tah via.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

KALATIA 4:3

Cha hawhna chata keimo chhao, hawti eima châ nota cha, khizaw ryhpa ry liata sei ta eima y.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

HEBRAI 10:32

Châhrasala nama daihti hmiatuapa liata, nopavâhsapa ta nama y khai tawhta thata pasa nama taona nohzy kha a thei tyh muh vy.

HEBRAI 5:11

Cha kyh liata bie hluhpi rei awpa eima hnei. Nama nah a pâ hapa vâta chhopasia deikua a ru kaw.

HEBRAI 5:13

Sâhpiti ta chyh a ngiahpa maih cha, hawsaih a châpa vâta, siana bie kyh liata pahnona hnei leipa a châ.

HEBRAI 6:1

Chavâta Krista thâtih pachu pathaonazy tawhta laiseih lymâpa ta, pitlohna lâ pangai ei suh u. Hmotao thipazy liata rona lôbôzy bô chanei leipa ta, Khazohpa ngiapâna,

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.