HEBRAI 5:1 - Mara Bible RV (BSI)

¹ Theihthai beichaipa cha, chyhsazy vyuhpa ta Khazohpa nata azaona rai hria awpa ta chyhsazy hry tawhta atlyhpa châ ta, moleinazy châta hmopiepa nata atheihnazy hlâ awpa ta raopa a châ.

HEBRAI 5:1 ပူးပေါင်းရင်းမြစ်များ

THEIHTHAINA 8:2

“Arawna kha a sawchapawzy chhaota a chhi la, chysiazy, sathaw pathaihpa, moleina hlâna viahchao tôhpa, mietaku tôhpa pô no nata viahchhâ thinô pahlao leipa hrâbyh hmo kha cheih la,

THEIHTHAINA 9:7

Chatawhcha Mawsi ta Arawna hnohta, “Maisâh a vaw hnia la, na moleina hlâna nata na raopa hlânazy vaw hlâ la, nâma châta nata zawpi châta chatlaina tao teh. Abeipa biepiepa hawhta, zawpi vyuhpa ta hmohlâpa hlâ la, ama châta chatlaina tao teh,” tah ta.

RAWMA 15:17

Chavâta Khazohpa chakaona rai ei hriana kyh liata, Krista Zisu vâta a palai thei nawpa ei hnei.

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

HEBRAI 10:11

Theihthaipa maihta chakao awpa ta noh chareih a duah ei ta, moleinazy a siekhei thei leipa atheihna ama hlâ tyhpazy cha, a ualua ta ama hlâ chanei ngâ thlâh ha tyh.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 11:4

Ngiapâna ta Abela cha Kainâ hlâta atheihna pha viapa Khazohpa lâ hlâ ta, Khazohpa ta a hmopiepazy a pyh ta, ano cha reithai ta, mosiapa ta a rao. Â ngiapâna vâta, Abela cha a thi tawh chhao ta bie a reih lymâ.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 7:27

Ano cha theihthai beichaipa hropazy hawhta, noh chareih ta ano moleinazy châta atheihna hlâ tuapa ta, cha khai tawhta chyhsazy moleina châta atheihna a hlâ chanei ngâ thlâh awpa byuh vei. Anosasyh ta chhâzaw châta ei kha â hlâna liata a pangoh khai haw.

HEBRAI 8:3

Theihthai beichaipa maih cha hmopiepa nata atheihnazy hlâ awpa ta raopa ama châ. Chavâta he theihthai beichaipa chhao he, khâpa chhâ tlyma hlâ awpa a hnei awpa a byuh.

HEBRAI 8:4

Alei liata a ypa châ sala, ryhpa hawhta hmopiepa a hlâ awpa theihthaipazy ama ypa vâta, ano la theihthaipa a châ awpa byuh aw vei.

HEBRAI 9:9

Cha cha tahmâhlâ daihti châta pamosana a châ. Cha hmo paryhzie liata cha, hmopiepa nata atheihna hlâ tyhpazy heta achhytuhpa chhie nata pha pahnona pahro thei vei.