HEBRAI 4:2 - Mara Bible RV (BSI)

² Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

HEBRAI 4:2 ပူးပေါင်းရင်းမြစ်များ

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

RAWMA 2:25

Ryhpa na zyh khiahta cha, chopawtaipa cha phahnaina a hnei. Ryhpa na parao khiahta deikua cha, na chopawtaipa cha tai leipa hawhta a châ.

RAWMA 3:3

Thokha ngâchhih leipa ei sala, kheihta a châ aw? Âmo ngâchhih leina chata Khazohpa ngâchhihna hraoleipa ta a tao aw ma?

1 KAWRINI 13:3

Ei hneipa zydua dyhchhiepazy pie khai ha hraw sah la, ei pôhpa mei liata rao awpa ta a pie hraw sah la, kyhpachâna ei hnei tlôh leipa khiahta la, ei châta khâpa hmah phahnai vei.

KALATIA 3:2

He deita he nâmo tawhta pahno awpa ei khoh: Ryhpa hmotaopazy vâta ma Thlahpa nama to, nama theipa namâ ngiapâpa vâta maw?

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

KALATIA 4:13

Nama hnohta thâtihpha ei cha vaw chho tua no ei kha, sapa chiehleina vâta a châpa nama pahno.

RYHPACHANEINA 1:32

Chatanachôta Abeipa nama Khazohpa cha ngâ veih ei chi.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 4:6

Thokha cha apahâna liata a ngia aw ei ta, thâtihpha a dao tuapa thokhazy deikua cha, ama reingiah leina vâta a ngia thei aw veih ei.

ZÂMIE 1:21

Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.