HEBRAI 4:14 - Mara Bible RV (BSI)

¹⁴ Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

HEBRAI 4:14 ပူးပေါင်းရင်းမြစ်များ

EZEKIA 46:10

Zawpi ama ngia tita, abei chhao ama hnohta a ngia aw ta, zawpi ama pua tita, abei chhao a pua hra aw.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MÂKA 1:1

He he Khazohpa Sawchapawpa Zisu Krista thâtihpha athaona a châ.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

LUKA 24:51

Byhnâ a awpa khai nah ei ta, a pachupazy cha a chhaih ta, vârâh lâ a chhipa ta y ha ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

HMOTAOPAZY 3:21

Khazohpa ta bohpi tawhta a hrohso pathaihpazy pakah ta a vaw reipa, ato taopathi daihti a tlô hlâlei deikua cha, vârâh liata a y chy awpa a châ.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

2 KAWRINI 12:2

Kô hrawh hleipalih a sie hapa liata, vârâh chhâh thôhna lâta a chhipa ta a ypa, Krista liata chyhsa pakha ei pahno. Pôhpa ta a chhipa ma a châ, pôhpa leipa ta ma, tahpa deikua pahno va na. Khazohpa ta a pahno.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

EPHESI 4:10

A zâ chôpa tlai kha, avâ zydua chô lâ a khypa cha châ ta, lei nata vâ cha ano ta a bie khai haw.

HEBRAI 1:8

Sawchapawpa kyh liata deikua cha, hetana heta a tah: “Hy Khazohpa, na beidyuchhai cha, Chhâzaw nata tlyzaw ta y ta, Siana chôchahrei cha, Na khinarâh chôchahrei a châ.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

HEBRAI 6:6

ama paosai heihpa khiahta cha, ama rao nawpa ta Khazohpa Sawchapawpa a khaipâ chanei heihpa nata maoh a paphyuhtuhpazy ama châpa vâta, cha hawhpa chyhsazy rona lâ a chhi heih awpa cha hmo thei leipa a châ.

HEBRAI 7:3

Ano cha paw hnei leipa ta, nô hnei hra leipa ta, pathlatuhpa alaichadai awpa hnei vei. Âthaona noh nata a hro chhâna nohzy rei awpa hnei hra leipa ta, Khazohpa Sawchapawpa lyupa ta taopa châ ta, chhâzaw ta theihthaipa ta a ypa a châ.

HEBRAI 8:1

Rei eimâ chhuahpa cha he he a châ: Cha hawhpa theihthai beichaipa cha hnei pi ta, ano cha vârâh liata Beichaipa beidyuchhai chachâh lâta a tyuhpa châ ta,

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 3:22

Zisu Krista cha vârâh lâ kiah ta, Khazohpa chachâh lâta y ta, vâlyuhchâpazy, biehneinazy nata hmotaotheinazy cha ano rei sai ta y awpa ta taopa ama châ.