HEBRAI 4:12 - Mara Bible RV (BSI)

¹² Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

HEBRAI 4:12 ပူးပေါင်းရင်းမြစ်များ

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 119:130

Na biezy chhopasiana ta khaihna pie ta, Nomaohpazy hnohta novâhna a pie tyh.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 149:6

Khazohpa reithaina ao cha ama rao liata y sala, Zaozi kârano ta a tiah raihriepa cha ama ku liata y mawh sy.

HLAZY 45:3

Hy pasaipha, na zaozi na chai liata a saih la, Rônahna nata abeina ta a tobi mah y.

BIESOZY 5:4

Achhâna lâ deikua cha hmo khapa hawhta kha ta, Zaozi hâh nopa hawhta a châ.

BIECHHOTUHPA 12:11

Chyhsa sopa biezy cha chôchahrei pazaopa hawhta châ ta, bieso lapakhypazy cha thuakhai ta â i ngaitapa ta khaipâ hapa hawhta a châ. Chazy cha Mietaku Vaituhpa pakha ta a piepazy a châ khai.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

LUKA 8:11

He he pakhona bie yzie cha a châ: Chi cha Khazohpa bie a châ.

ZAWHÂNA 12:48

Ahy rai nâ khoh leipa nata ei bie a zyh leipa cha, pachiatuhpa pakha a hnei. Ei bie reipa, kha bie tlai khata, noh chhâna noh liata ano cha a pachia aw.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

HMOTAOPAZY 4:31

Thlah ama chhâ khai nahta, ama y pahmaohna o cha a vaw chalyu ta, ama zydua ta Thlahpa Pathaihpa ta bie ei ta, riahpha ngaitapa ta Khazohpa bie ama chho lymâ.

HMOTAOPAZY 5:33

Cha biezy ama thei nahta, ama hie thata hâh ta, lyuhchâpazy cha thie a chhuah ei ta.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

EPHESI 5:13

Châhrasala hmo kheihawhpa rai, khaihpa ta a palâsa tita cha, hmô theipa ta a y tyh.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

HEBRAI 13:7

Khazohpa bie châ chhotuhpa nama hyutuhpazy a thei thlâh ha u la, ama hro liata hmo phapazy pachâ u la, amâ ngiapâna hâ a la teh u.

HEBRAI 6:5

Khazohpa bie phana padi ta, daihti vaw y awpa liata hmotaotheina padi ha tawh chhao ta,

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 19:21

Ahropazy cha arâ a kiahpa pakah tawhta zaozi a vaw puapa ta chhawhsaopa châ ei ta, ama sapa cha pavaw zydua ta nie ei ta, rihbiepa ta ama y.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

RYUREITUHPAZY 3:16

Ehu ta zaozi hâh nopa, dy kha a seihpa daih ta, cha cha a chysiazy ry liata nyupa ta, a chachâh lâ byhpi liata chahry pâ ta.