HEBRAI 4:11 - Mara Bible RV (BSI)

¹¹ Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

HEBRAI 4:11 ပူးပေါင်းရင်းမြစ်များ

MATHAI 11:12

Bâtituhpa Zawhâna daihti tawhta tahmâ taihta vârâh khinarâh cha thachahra ta adyuhna vâta pasa tao lymâ ta, thachahra a hmâhpazy ta tararuahna ta ama la lymâ.

MATHAI 7:13

“Chhikao buahpa liata a ngia teh u. Leidiana lâta siena chhikao cha kawh ta, a sie nao ta, cha lâta â ngiapa cha ama hluh ngaita.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

LUKA 16:16

“Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

HMOTAOPAZY 26:19

“Chavâta Bei Akripâ y, avâ tawhta aluahna cha zyh leipa ta y thei va na.

EPHESI 2:2

He khizaw ryhpa hawhta y ei chi ta, avâ ruapa liata ryureituhpa bei, reingiah leipazy chô liata tahmâ chhao a hria haipa thlahpa cha pazipa ta, paraona nata moleinazy liata nama vaw tlaih tyh.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

PHILIPI 2:12

Chavâta kho ngaitapazy saih u, bie nama zyh tyhpa hawhna khata, ei y nota dei hria leipa u la, tahmâ ei y vei chhôh ta tlao hria viapa ta, chipa nata chalyupa ta nama pachhana cha hria papua teh u.

KAOLAOSÂ 3:6

Cha hmozy vâna chata Khazohpa hiehâhna cha ngiapâleipazy chô liata a tlô hai.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 3:18

 pahâna liata a ngia lei awpa ta bie â taihpazy kha ahyzy ma ama châ? Reingiah leipazy kha châ veih ei ma?

HEBRAI 4:6

Thokha cha apahâna liata a ngia aw ei ta, thâtihpha a dao tuapa thokhazy deikua cha, ama reingiah leina vâta a ngia thei aw veih ei.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

ZAWSUA 7:3

Zawsua lâ zâ lie ei ta, a hnohta, “Chyhsa zydua khy hlei khah ei sy. Chyhsa sâh no tlyma, sâh thôh tlyma khy ei sala, Ai khihpi cha a kaw dyuh mawh ei sy. Ai khihpi cha maluh chyhta dei châ ei ta, chavâta chyhsa zydua rie pathei awpa byuh vei,” tah ei ta.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.