HEBRAI 4:10 - Mara Bible RV (BSI)

¹⁰ Khazohpa ta a raihriazy tawhta â pahâpa hawhta, Khazohpa apahâna liata a ngia hapa cha, a raihriazy tawhta â pahâ hra aw.

HEBRAI 4:10 ပူးပေါင်းရင်းမြစ်များ

ÂTHAONA 2:2

A noh sarina noh ta Khazohpa ta a hmotaopa zydua pangoh ta, a noh sarina noh liata a raihria zydua tawhta a pahâ ta.

ZAWHÂNA 19:30

Kresawhti thaopa a pachâh khai nahta, Zisu cha, “Â ki haw,” tah ta, a luh a bôh ta, a thlahpa pathlie ha ta.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 4:9

Chavâta Khazohpa phopi châta cha, a pahâ nawpa Pahânoh a y thlâh ha aw.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.

BIEPHUAH 6:11

Ama hnohta poh diehpa pie chyu ei ta, ama chakaolâhpazy nata ama unawhzy âmo hawhta thie khaipa ama châ hlâlei, bohpi leipa chhôh a pahâ chy awpa ta chhopa ama châ.