HEBRAI 3:7 - Mara Bible RV (BSI)

⁷ Chavâta Thlahpa Pathaihpa ta, “Tanoh he a ao nama thei khiahta cha,

HEBRAI 3:7 ပူးပေါင်းရင်းမြစ်များ

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

HLAZY 81:11

“Châhrasala ei phopi ta ei ao nathlie leipa ta, Izarei ta nâ ngiarih khoh vei.

HLAZY 81:13

Aw, ei phopi ta ei bie nathliepa ta, Izarei ta ei lâpizy a vaw chhih ha mawh sala cha,

BIESOZY 27:1

Mylâ ta hmo a vaw y awpa a palaikhei khah y, Cha noh chata khâpa ma a vaw tlôkhei aw tahpa pahno tlôh chi va.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 22:43

Zisu ta ama hnohta, “Cha khiah, kheihtazie ta Dâvi kha Thlahpa ta pareisapa ta, ano cha Abeipa a tah tly? Dâvi ta,

MÂKA 12:36

“‘Abeipa ta ei Beipa hnohta, Na chariahpazy na phei ry liata ei so khai hlâlei cha, Ei chachâh lâta a tyuh mah y,’ a tahpa kha.

ZAWHÂNA 10:16

He mietaku sadô liata a y leipa mietaku hropazy ei hnei. Âmo chhao a vaw chhi aw ei na ta, ei ao ama thei hra aw. Chatanachata zaw kha ta y aw ei ta, vaituhpa pakha ama hnei aw.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 10:3

Ochhi vaituhpa ta ano cha a pahypa tyh. Mietakuzy ta a ao thei ei ta, ano ta a mietakuzy cha ama moh ta aw chyu ta, a chhihtha tyh ei.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

HMOTAOPAZY 1:16

Pity ta, “Unawh saih u, Thlahpa Pathaihpa ta Dâvi pakah ta Zisu patutuhpazy lâpi a chhotuhpa Zudâh kyh a vaw rei chhieliepa Biehrai bie kha, a vaw tlô awpa rai a châ.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

HMOTAOPAZY 8:29

Thlahpa ta Phili hnohta, “Talailih lâ hao vawh la, a kei hnia teh,” tah ta.

HEBRAI 10:15

Thlahpa Pathaihpa chhao ta, hetana heta reih ta, miah a pahnokhei,

HEBRAI 3:13

Nama hry liata ahy hmah moleina ta dôveina liata kuhchhapa ta nama y lei nawpa ta, “tanoh” tahpa a châ chhôh zydua cha, noh chareih ta a pasyu raihrie teh u.

HEBRAI 3:15

“Tanoh he a ao nama thei khiahta cha, Chhorupa ta nama y no hawhna khata, Nama palôh kuh pachhâsa khuh vy,” tahpa a châ.

HEBRAI 4:7

Bohpi tawhna khata Dâvi hmâpa ta, “Tanoh,” tahpa ta, noh kheihawhpa tlyma rao chanei heih ta, rei chiehpa hawhta, hetana heta a reih chanei heih: “Tanoh he a ao nama thei khiahta cha, Nama palôh kuh pachhasa khuh vy.”

HEBRAI 9:8

Cha hmo paryhzie tawhna chata Thlahpa Pathaihpa ta he he a pahnosa: Achhyna byureih tytuapa â dua chhôh cha, Su Pathaih Chaipa liata angiana lâpi pahypa châ mâh vei.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

BIEPHUAH 3:20

Nathlie teh, ochhi thaby liata a duah na ta ei chakhyh. Ahy rai ei ao thei ta, ochhi a pahy khiahta cha, ano liata a ngia aw na ta, a hnohta pati nie aw na ta, ano chhao ei hnohta a nie hra aw.