HEBRAI 3:2 - Mara Bible RV (BSI)

² Mawsi cha Khazohpa chhôhkha zydua hry liata ngâchhihpa a châpa hawhta, Zisu cha ano a raotuhpa liata ngâchhihpa â châ.

HEBRAI 3:2 ပူးပေါင်းရင်းမြစ်များ

PUASAINA 40:16

Cha hawhna chata Mawsi ta tao ta, Abeipa ta tao awpa ta bie a piepa zydua hawhta tao khai ta.

MALUHREINA 12:7

Nâ chakaotuhpa Mawsi deikua cha, cha hawhta châ vei. Ano cha ei o liata ngâchhihpa a châ.

ZAWHÂNA 15:10

Paw biepiepazy zyh na ta, a kyhpachâna liata ei y thlâhpa hawhna heta, nâmo chhao ei biepiepazy nama zyh khiahta cha, ei kyhpachâna liata nama y thlâh ha aw.

ZAWHÂNA 17:4

Raihria awpa eina piepa chi hria khai ha na ta, khizaw liata ei cha parônahsa haw.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

ZAWHÂNA 8:29

Nâ tuahtuhpa cha ei hnohta a y. Ano a palysapa hmozy ei tao lymâpa vâta, na siesai beih vei,” tah ta.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

1 SAMUELA 12:6

Samuela ta Izarei phopi hnohta, “Mawsi nata Arawna a raotuhpa Abeipa nata châ pathlatuhpazy Izi râh tawhta a kaw chhi papuatuhpa ta a cha pahnokhei ei.